web counter
LEXO PA REKLAMA!

SHKARKO APP

App Store
Google Play

Zgjidhet drejtuesja e re e Shoqatës së Avokatëve Penalistë/ Ja emri që pason Saimir Vishajn

27 Shtator 2025, 15:29, Aktualitet CNA

Zgjidhet drejtuesja e re e Shoqatës së Avokatëve Penalistë/

Joana Qeleshi është zgjedhur në krye të Shoqatës së Avokatëve Penalistë. Qeleshi ka pasuar në detyrë, Saimir Vishajn.

“Sot, Shoqata e Avokatëve Penalistë nën Drejtimin e Kryetarit Av. Saimir Vishaj pati ditën e zgjedhjeve të Kryesisë, ku kolegët avokatë penalistë më nderuan me zgjedhjen Kryetare të Shoqatës!

Mirënjohja dhe falenderimi kryesor imi dhe i gjithë kolegëve shkon fillimisht për Presidentin tonë të nderit Av.Saimir Saimir Vishaj themeluesi dhe Kryetari i shoqatës, i cili ka drejtuar prej fillimi me një suksesh të padiskutueshëm shoqatën! Profesionalizmi, përkushtimi, mirësia, kurajo dhe energjia e pashtershme e tij janë shembull force e suksesi për secilin nga ne dhe rrugëtimi për t’u ndjekur nga unë në drejtimin e mëtejshëm të shoqatës, me mbështetjen e Presidentit dhe çdo anëtari tjetër. Vijimi më tej i punës dhe rezultateve të tij është një motivim i padiskutueshëm për të gjithë!

Falenderoj përzemërsisht të gjithë kolegët avokatë që morën pjesë dhe më dhanë besimin e tyre sot, duke pranuar këtë përgjegjësi me besimin se kur profesionistët bëhen së bashku, janë zë i fuqishëm dhe i rëndësishëm për këdo, edhe për ata që nuk kanë veshë të dëgjojnë e sy të shikojnë! Angazhimi dhe mbështetja e të gjithë kolegëve avokatë do të mundësojë realizimin e misionit të shoqatës në vendosjen e dinjitetit të Avokatit, dëgjimin e zërit të tij, mbrojtjen e të drejtave dhe lirive të njeriut dhe rritjen e kapaciteteve dhe mundësive të bashkëpunimit të avokatëve penalistë! Tashmë jemi të shumtë në numër, të pregatitur profesionalisht dhe duhet të jemi së bashku për të qenë pjesë e zhvillimeve dhe ndryshimeve të rëndësishme në sistemin e drejtësisë

Urime dhe suksese kolegëve të zgjedhur në Kryesinë e shoqatës Avokate Tanko Liljana, Av.Aida Prifti, Av.Dritan Trifka , Av.Lorenc Danaj dhe Av.Perparim Noka , si dhe Sekretaren e Përgjithshme të Shoqatës Av.Avokate Sabina Meta!

Sukese të mëtejshmë të gjithëve dhe të jemi së bashku në këtë rrugëtim të rëndësishëm!”, tha Joana Qeleshi, kryetarja e re e Shoqatës së Avokatëve Penalistë.

Drejtuesja e re e Dhomës së Avokatisë ka shërbyer më parë si kryegjyqtare e Gjykatës së Durrësit.

Më pas dha dorëheqjen në vitin 2019, duke ushtruar profesionin e avokates./ CNA





Lajmet e fundit nga