41 ditë nga mashtrimi publik/ Veliaj dhe Mero Baze nuk ndalen së gënjyeri shqiptarët

27 Shtator 2025, 14:19, Aktualitet CNA

41 ditë nga mashtrimi publik/ Veliaj dhe Mero Baze nuk ndalen së

Kanë kaluar plot 41 ditë nga mashtrimi publik i Erion Veliajt dhe Mero Bazes në lidhje me akuzat dhe pretendimet se prokurori Ols Dado ka kryer hetimet për hakmarrje apo në konflikt interesi pasi ish-kryebashkiaku Veliaj nuk i ka dhënë një shtesë mbi lejen, që sipas tij ia ka kërkuar prokurori.

Akuzat dhe pretendimet e tyre mbeten të pabaza pasi as Veliaj dhe as Mero Baze nuk kanë publikuar dokumentin me firmën e Ols Dados dhe as refuzimin me firmën e Erion Veliajt.

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

41 ditë nga mashtrimi publik/ Veliaj dhe Mero Baze nuk ndalen së

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

41 ditë nga mashtrimi publik/ Veliaj dhe Mero Baze nuk ndalen së

Pse nuk e nxjerr Veliaj, dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

Pse nuk e vërteton Mero Baze? Pse nuk e publikon dokumentin me firmën e Ols Dados dhe refuzimin me firmë të Erion Veliajt? Pse nuk e nxjerr?

Erion Veliaj dhe Mero Baze vijojnë mashtrimin publik ndaj shqiptarëve prej 41 ditësh, thjesht dhe vetëm për të sulmuar drejtësinë për faktin se ka çuar prapa hekurave një kryebashkiak të arrestuar për disa vepra të rënda penale dhe me 13 akuza, i cili sot ndodhet në qelitë e burgut të Durrësit dhe dirigjon Mero Bazen, mbetjen e tij mediatike./CNA