E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Mitropoliti i Apollonisë dhe Fierit, Hirësi Nikolla uron Kryepiskopin Joan në ditën e emrit: Shembull i vyer i një kryeprifti të shenjtë

26 Shtator 2025, 16:26, Aktualitet CNA

Mitropoliti i Apollonisë dhe Fierit, Hirësi Nikolla uron Kryepiskopin

Mitropoliti i Apollonisë dhe Fierit, Hirësi Nikolla ka ndarë një mesazh urimi në ditën e emrit të Kryepiskopit të Tiranës, Durrësit dhe Gjithë Shqipërisë, Imzot Joanit.

Në fjalën e tij gjatë Shërbesës së Shenjtë në Katedralen “Ngjallja e Krishtit” në Tiranë, Hirësi Nikolla u shpreh se Fortlumturia e Tij Joani, është shembull i vyer i një ati të dashur dhe një mësuesi të urtë, në detyrën e tij si kryeprift i shenjtë.

Hirësi Nikolla shprehu falënderimet për Kryepiskopin Joan për gjithë shërbesën më tepër se 30-vjeçare që ka kryer në Kishën Orthodokse Autoqefale të Shqipërisë.

Urimi i Mitropolitit të Apollonisë dhe Fierit, Hirësi Nikollës:

Të dashur besimtarë në këtë të kremte të Jetëndërrimit të Apostullit dhe Ungjillorit Joan, nxënësit të dashur të Zotit, kremton emrin Ati dhe Kryebariu ynë, Kryepiskopi i Tiranës, Durrësit dhe i Gjithë Shqipërisë, Imzot Joani.

Në emrin tuaj, në emrin e gjithë klerit dhe të popullit besimtar të Kishës sonë, në emrin e Sinodit të Shenjtë i urojmë Atij vite të shumta, të bekuara dhe me shëndet.

E falenderojmë, për gjithë shërbesën më tepër se 30-vjeçare që ka kryer në Kishën tonë.

E falenderojmë, që në ato vite të vështira të cilat kaloi Kisha jonë ka qenë një mbështetje e të ndjerit Kryepiskopit Anastas, por dhe një mbështëtje e sigurtë për të gjithë Kishën tonë.

E falenderojmë, që gjithë këto vite ka qenë për të gjithë ne një shembull i vyer, si një mësues i urtë, si një atë i dashur, si një kryeprift i shenjtë.

E falenderojmë, që në momentet e vështira të cilat kaloi Kisha jonë përpara disa muajsh, pranoi të mbajë mbi supe e tij barrën e vështirë të kryepriftit, të kryebariut tonë.

E falenderojmë, që me gjithë urtësinë e tij ka shërbyer me shumë sakrifica, me shumë mund në këto vite në Kishën tone, por edhe në këto muaj të vështirë të tranzicionit që kaloi Kisha jonë pas humbjes të së 3 klerikëvë të vyer të saj, na tregoi që me shumë urtësi e ka udhëhequr Kishën tonë.

E falenderojmë dhe i urojmë vite të shumta të bekuara. Hiri i Shpirtit të Shenjtë t'i japë urtësi, ta fuqizojë e ta përmbushë deri në fund shërbesën të cilën Krishti i ka dhënë atij.

Për shumë vjet, o Kryezot! Vite të shumta e të bekuara dhe me shëndet. Faleminderit për të gjitha./CNA