web counter
LEXO PA REKLAMA!

SHKARKO APP

App Store
Google Play

Lufta në Gaza/ Ditmir Bushati zbërthen qëndrimin e Shqipërisë: Strategjia, në zgjedhjen tonë

25 Shtator 2025, 21:46, Aktualitet CNA

Lufta në Gaza/ Ditmir Bushati zbërthen qëndrimin e

Ish-ministri i Jashtëm, Ditmir Bushati ka zbërthyer qëndrimin e Shqipërisë për luftën mes Hamasit dhe Izraelit.

Në një prononcim për emisionin Opinion, Bushati u shpreh se gjeografia është destinacion dhe nuk e ndryshon dot ndërsa strategjia është në zgjedhjen e Shqipërisë.

Bushati tha se Shqipëria ka vendos të mos mbajë një qëndrim në këtë mes, ndërkohë që sipas tij duhet që minimalisht të dënonte veprimtarinë e Hamasit, të mbështesë zgjidhjen me dy shtete dhe respekt për të drejtën ndërkombëtare.

Ai e theksoi se “Asgjë nuk është në dorën tonë por duhet të demonstrojmë strategji”

“E para gjeografia është destinacion nuk e ndryshon ndërsa strategjia është në zgjedhjen tonë.

Së dyti Shqipëria e ka njohur Palestinën në ‘88. Ka qenë për zgjidhje me dy shtete. Në 2018 ka votuar kundër qëndrimin të SHBA për njohjen e Jeruzalemit si kryeqytet i Izraelit. Kemi marrëdhënie miqësore me Izraelin dy dekadat e fundit dhe për fat të keq nga momenti i shpërthimit të konfliktit në Gaza qëndrimi i Shqipërisë është i paqartë. Ndërkohë që vende si Gjermania nuk e njohin ende si shtet votojnë për zgjidhje me dy shtete, dënojnë sulmin terrorist të Hamasit por dhe përdorimin e forcës të Izarelit. Shqipëria ka zgjedhur për mosqëndrim.

Ndërkohë që minimalisht duhet

a)      dënimi me kusht i veprimtarisë së Hamasit

b)      mbështetje për zgjidhjen me dy shtete

c)      respekt për të drejtën ndërkombëtare

 

Asgjë nuk është në dorën tonë por duhet të demonstrojmë strategji”, tha Bushati./ CNA





Lajmet e fundit nga