web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi paraqitet në GJKKO/ Thirret si dëshmitar për dosjen “5D”: Kanë marrë 25 milionë dollarë

25 Shtator 2025, 10:44, Aktualitet CNA

Këlliçi paraqitet në GJKKO/ Thirret si dëshmitar për

Deputeti demokrat, Belind Këlliçi, është paraqitur sot në Gjykatën e Posaçme Kundër Korrupsionit dhe Krimit të Organizuar.

Mësohet se Këlliçi është thirrur si dëshmitar në procesin gjyqësor për dosjen e njohur si “5D”.

Deputeti i PD-së u është përgjigjur pyetjeve të Ardian Lekës, avokatit të Mariglen Qatos, duke treguar si i ka marrë informacionet për denoncimet publike që ka bërë.

“Në gjithë informacionin e kam marrë në shkurt - mars 2023, e kam dorëzuar si provë në organin e akuzës. Po të më jepni kohë rikthehem dhe ju them gjithçka që disponoj. Nuk kam pasur dijeni mbi pyetjet që do bëhen, dhe jam gati t’i shqyrtoj dhe të kthehem t’i deklaroj. Kam dhënë dëshmi në SPAK dhe i qëndroj. 25 milionë dollarë është përllogaritja që kemi bërë që është fituar nga '5D'. 

Vijnë informacione të tilla, shpesh rezultojnë të vërteta, shpesh jo. Ka ardhur një zarf dorazi, është protokolli që s’merrem unë, drejtojuni Partisë Demokratike. Kush ka turnin, është në recepsion, Pëllumbi është njëri që mbaj mend, Arbeni, Iliri, Emiljana, varet kush ka qenë turn. Kam arritur përmes faqes së QKR fillimisht të ndjek kompaninë, kam bërë lidhjen e konfliktit të interesit dhe kam bërë një deklaratë publike.

Do të kisha kërkuar të njihesha me procedurën se si bëhen pyetjet e nderuar gjykatë. Duhet të kuptoni, kam bërë me qindra denoncime publike që përmbajnë emra e të dhëna dhe s’është e thjeshtë t’i kujtoj specifikisht të gjitha. Duhet kuptuar koha, situata që janë bërë këto dokumente, pasi kam siguruar të dhëna që i kam parë me interes publik, i kam denoncuar. Të dhënat që kam verifikuar që NIPT-et qëndronin, të afërmit qëndronin, kam reaguar dhe denoncuar, kam bërë kallëzim dhe i keni aty.

Në informacionet që kam pasur bëhej fjalë për Tushen, Qaton, Mollën e më vonë infot që vinin, në mos gaboj, ishin Mazniku dhe Kacidhja, duhet t'i verifikoj dy të fundit pasi ishin një sërë drejtorësh që përfliteshin që ishin pjesë e kësaj skeme. Media dhe politika, që njihesha me informacione përmes tyre. Skema zbërthehej çdo ditë, nga emisionet investigative, se si funksiononte ky rrjet”,-raportohet të ketë thënë Këlliçi në gjykatë./CNA

 





Lajmet e fundit nga