web counter
LEXO PA REKLAMA!

SHKARKO APP

App Store
Google Play

E fundit!

x

Kallëzimi i Metës/ Gjykata e Apelit lë në fuqi vendimin për nisjen e hetimeve për Autoritetin e dosjeve

1 Qershor 2023, 12:34, Aktualitet CNA

Kallëzimi i Metës/ Gjykata e Apelit lë në fuqi vendimin

Gjykata e Apelit ka lënë në fuqi vendimin për nisjen e hetimeve ndaj Autoritetit të dosjeve, pas kallëzimit nga kreu i Partisë së Lirisë, Ilir Meta.

Meta kallëzoi penalisht anëtarët e Autoritetit të dosjeve për shkelje të rënda dhe të qëllimshme si dhe manipulime dhe falsifikime flagrante në shërbim të shantazhit politik.

“Sot kam kallëzuar penalisht anëtarët e Autoritetit të Dosjeve për shkeljet e rënda dhe të qëllimshme që i kanë bërë ligjit organik për dosjet e ish-Sigurimit të Shtetit, për manipulimet dhe falsifikimet flagrante në shërbim të shantazhit politik, për llogari të Edi Ramës. Për më shumë detaje, do të zhvilloj një konferencë shtypi në funksion të transparencës para të gjithë qytetarëve shqiptarë”, shprehej Meta në shtator të vitit të shkuar.  

“Referuar raportimeve të mëparshme në media, Gjykata e Apelit të Juridiksionit të Përgjithshëm, informon sa më poshtë:

Në  Gjykatën e Rrethit Gjyqësor Tiranë, është shqyrtuar çështja penale që i përket ankuesit Ilir Metaj, me objekt: Ankimin ndaj vendimit “Për mosfillimin e procedimit penal”, datë 21.09.2022 të Prokurorisë së Rrethit Gjyqësor Tiranë, në lidhje me kallëzimin penal nr. 11409, datë 06.09.2022. Paraqitur nga ankuesi, ndaj anëtarëve të Autoritetit për Informim mbi dokumetet e ish-Sigurimit të Shtetit, Tiranë.

Gjykata e Rrethit Gjyqësor Tiranë  me vendimin nr. 1959 Akti, datë 18.11.2022 ka vendosur:

1.            Shfuqizimin e vendimit datë 21.09.2022 "Për mosfillimin e procedimit penal" të Prokurorisë së Rrethit Gjyqësor Tiranë, në lidhje me kallëzimin penal Nr.11409, datë 06.09.2022.

2.            Detyrimin e Prokurorisë së Rrethit Gjyqësor Tiranë të regjistrojë procedimin penal për kallëzimin penal nr. 11409, datë 06.09.2022 dhe të kryejë hetimet përshkruar në pjesën arsyetuese të këtij vendimi.

Çështja në apel u shqyrtua mbi bazën e ankimit të bërë nga Prokuroria pranë Gjykatës së Shkallës së parë Tiranë, që kërkoi ndryshimin e vendimit të gjykatës dhe lënien në fuqi të vendimit mbi “Mosfillimin e procedimit penal”.

Në përfundim të gjykimit në apel, sot më datë 01.06.2023 në dhomë këshillimi, Gjykata e Apelit të Juridiksionit të Përgjithshëm, e përbërë nga Gjyqtar z. Genti Shala, vendosi:

-Lënien në fuqi të vendimit me Nr. 1959 Akti, datë 18.11.2022 të Gjykatës së Rrethit Gjyqësor Tiranë.

Tiranë më, 01.06.2023

GJYKATA E APELIT TË JURIDIKSIONIT TË PËRGJITHSHËM “, thuhet në njoftim./ CNA.al

Kallëzimi i Metës/ Gjykata e Apelit lë në fuqi vendimin

 





Lajmet e fundit nga