LEXO PA REKLAMA!

SHKARKO APP

Skenarë dhe skandale me gjyqin ndaj inceneratorëve

1 Qershor 2023, 09:58, Aktualitet CNA
Skenarë dhe skandale me gjyqin ndaj inceneratorëve
Foto ilustruese

Për të disatën herë vijojnë të zvarriten seancat gjyqësore ndaj ineceneratorit të Elbasanit.

Sot është shtyrë seanca, ku njoftohet se e radhës do të mbahet në datën 8 qershor.

Ashtu siç bëhet me dije këtë herë pretendimi dhe justifikimi është se të pandehurit nuk kanë avokatë.

Këto janë skemat dhe skenarët që herë pas herë përdoren për të shtyrë seancat.

Kapen pas procedurës për të shpëtuar një tufë hajdutësh që kanë vjedhur paratë e taksapaguesve shqiptarë.

Po mundohen të shpëtojnë me procedura, "trurin" e inceneratorëve, ashtu siç është quajtur nga SPAK-u, Mirel Mërtirin, bashkëjetuesen e tij Stela Gugallen, Klodian Zoton dhe zyrtarët e shtetit të përfshire në korrupsion.

Kujtojmë se inceneratori i Elbasanit u ka kushtuar taksapaguesve shqiptarë të varfër 24 milionë euro dhe sot ende nuk funksionon.

I tillë është edhe inceneratori i Fierit, ndërsa ai i Tiranës mbetet një “fantazmë” pasi nuk ekziston./ CNA.al

Lajmet e fundit nga