LEXO PA REKLAMA!

SHKARKO APP

E fundit!

x

Miratohet projektligji për ndërtimet e konfiskuara/ Godinat do të shiten në ankand

31 Maj 2023, 20:56, Aktualitet CNA

Miratohet projektligji për ndërtimet e konfiskuara/ Godinat do të

Qeveria ka miratuar një projektligj që përcakton kompetencat dhe detyrat e autoriteteve publike përgjegjëse për ndërtimet e konfiskuara.

Sipas projektligjit, u njihet e drejta e pronësisë pronarëve të truallit mbi të cilin është ndërtuar objekti në tejkalim të lejes së ndërtimit.

Pronarët e truallit, subjekti ndërtues, si dhe personat e tretë që kanë një marrëveshje juridiko-civile për pronën e konfiskuar kanë të drejtën e parablerjes me vlerën e tregut

Nëse palët e përmendura më lart nuk shfaqin interes objektet, atëherë objektet e konfiskuara dalin në ankand publik. 

Nëse ankandi dështon, çmimi i tij në raundin e dytë nuk ulet, por mbetet sërish i njëjtë. 

Programi i shitjes së objekteve të konfiskuara kryhet nga ministria përgjegjëse për administrimin e pronës shtetërore, nëpërmjet strukturës përgjegjëse për shitjen e pronës publike.

Gjithashtu, pritet të krijohet një strukturë e quajtur Komisioni i Objekteve të Konfiskuara, me 9 anëtarë, mes të cilëve edhe 2 përfaqësues nga kryeministria. Ata do të vlerësojnë rast pas rasti gjendjen e objekteve të konfiskuara dhe do të propozojnë mënyrën se si ato do të përdoren.  

Kujtojmë se ky projektligj vjen 9 muaj pas vendimit për të konfiskuar ndërtimet pa leje ose ato në tejkalim të lejes së ndërtimit./ CNA.al

Lajmet e fundit nga