web counter
LEXO PA REKLAMA!

SHKARKO APP

App Store
Google Play

E fundit!

x

"Kallashnikovi çau jelekun anti-plumb"/ Hita: Po kryhen procedurat që efektivi i vrarë të përfitojë statusin e dëshmorit

4 Qershor 2026, 16:28, Aktualitet CNA

Drejtori i Përgjithshëm i Policisë së Shtetit, Skënder Hita ka dhënë një deklaratë për shtyp lidhur operacionin e zhvilluar mëngjesin e sotëm në Lozhan për kapjen e të shumëkërkuarit Violand Braçellari, ku humbi jetën efektivi Enea Mekolli, dhe u plagos Edison Adri.

Hita u shpreh se në operacion ishin të angazhuara 40 forca policie, ndërsa shtoi se të gjithë ishin të pajisur me jelekë anti-plumb, por shtoi se arma e zjarrit e përdorur, kallashnikov e ka çarë jelekun e Mekollit.

Ndër të tjera u shpreh se vrasja e efektivit është humbje jo vetëm për familjarët por për të gjithë Policinë e Shtetit. Më tej bëri me dije se po bëhen të gjitha procedurat që efektivi i vrarë të përfitojë statusin e dëshmorit

“Punonjësit e policisë janë të trajnuar dhe shkolluar sipas ligjeve. Kanë qenë shërbimet më të spelizuara, Shëiponjat. Pra këto kanë qenë strukturat që kanë qenë të angazhuar në operacion. 40 forca policie kanë qenë në operacion me jelekë antiplumb të veshur. Por arma e përdorur, kallashnikov e ka çarë jelekun.

Kjo është një vlerësim e ka bërë vetë Drejtoria Vendore e Policisë Korçë e cila ka vendosur të operonte në këtë mënyrë. Të gjithë personat në kërkim do të marrin të njëjtën përjgigje. Ka filluar hetimi disiplinor dhe hetimet e Prokurorisë.  Kjo është një humbje e thellë jo vetëm për familjen por për të gjithë Policinë e Shtetit. Ne duhet të gjejmë forcën për të përballuar këto situata. Për familjarët po bëjmë të gjitha procedurat që ai të përfitojë statusin e dëshmorit”, u shpreh Hita. /CNA





Lajmet e fundit nga