web counter
LEXO PA REKLAMA!

SHKARKO APP

App Store
Google Play

Krimi në Maliq, Lamallari dhe Hita nisen drejt Korçës/ Ministri tregon gjendjen e efektivit të plagosur

4 Qershor 2026, 13:34, Aktualitet CNA

Krimi në Maliq, Lamallari dhe Hita nisen drejt Korçës/ Ministri

Ministri i Brendshëm, Besfort Lamallari, ka vizituar efektivin e plagosur në spitalin e Traumës, i plagosur në Maliq mëngjesin e sotëm, teksa kolegu i tij humbi jetën.

Në një prononcim për mediet, Lamallari tha se ka kërkuar nga Drejtori i Përgjithshëm i Policisë së Shtetit të bëhet një vlerësim i situatës dhe të nisin hetimet për menaxhimin e situatës.

Sa i përket gjendjes së efektivit të plagosur, Lamallari tha se po bëhet e pamundura dhe gjendja e tij paraqitet e stabilizuar.

Po ashtu ministri bëri me dije se drejt Korçës është nisur Drejtori i Përgjithshëm i Policisë së Shtetit, Skënder Hita, si dhe ai vetë do të shkojë drejt Korçës.

 

“Kam kërkuar menjëherë nisjen e procedurave për shpalljen 'Dëshmor i Atdheut', është një fatkeqësi për gjithë shtetin. I kam kërkuar drejtorit të Përgjithshëm të bëhet një vlerësim i plotë i situatës dhe marrjen e përgjegjësive që secili duhet të ketë në menaxhimin e situatës.

Jemi pranë familjes dhe efektivit të plagosur. Dëmtimet janë në nofull dhe në qafë. Po bëhet e pamundura. Gjendja paraqitet e stabilizuar. Në raste të tilla duhet durim.

Çdo situatë e tillë kërkon vëmendje maksimale dhe hetim të thelluar për përgjegjësitë disiplinore. Një hetim i tillë po vijon. Drejtori është nisur drejt Korçës, dhe unë do t’i bashkëngjitem.

Kushdo që do të dalë përgjegjës përpara këtij hetimi do të mbajë përjgegjësi”, tha Lamallari.





Lajmet e fundit nga