E fundit!

20:00 Aktualitet

FOTOLAJM/ "Populli të uron", protestuesit torta dhe dhurata Ramës për ditëlindje

Në ditën e 35-të të protestës që përkon dhe me ditëlindjen...

“Ka deputetë që rrokjezojnë”/ Nora Malaj ngre alarmin për analfabetizmin funksional

4 Korrik 2026, 18:14, Aktualitet CNA

Shqipëria po përballet me dy forma të analfabetizmit, një fenomen që sipas Nora Malajt po merr përmasa shqetësuese. Në një intervistë për CNA TV, ish-zëvendësministrja e Arsimit u shpreh se njëra lidhet me personat e moshës 30 deri në 40 vjeç, ndërsa tjetra është analfabetizmi funksional tek të rinjtë.

Sipas saj, shumë prej tyre kanë ndjekur ose kanë marrë diploma pa përfituar realisht njohuritë e nevojshme. Malaj tha se pasojat e këtij fenomeni janë të dukshme edhe në jetën publike, duke përmendur se ka deputetë të rinj që hasin vështirësi në leximin dhe kuptimin e teksteve. Ajo shtoi se fakti që këta persona kanë përfunduar studimet universitare e bën situatën edhe më shqetësuese. Sipas Malajt, kjo tregon se sistemi arsimor ka pësuar dobësi serioze në garantimin e cilësisë.

Ajo e cilësoi këtë si një pikë kritike, duke theksuar se arsimi ka nevojë për ndërhyrje të thella dhe të menjëhershme.

"Nga gjërat që unë mendoj që janë problemet më të mëdha sot kemi dy fenomene që janë plagë e fortë. Fenomeni i parë është që është analfabetizmi i moshës 30-40 vjeçare, i asaj grupmoshe e cila bëri eksode të ndryshme dhe shkoi në shtete të ndryshme po u rikthye pa mbaruar sistemin e arsimit dhe i kemi analfabetë, pra i kemi papërfunduar ciklin 9-vjeçar apo 8-vjeçar atëherë. Dhe kemi analfabetizmin funksional që lidhet me tendencën e atyre të rinjve që donin të merrnin shumë shkolla, ose duan të marrin një shkollë pa qenë realisht aty dhe kjo quhet liçensohet injoranca me nivelin e diplomës universitare. Këtë e vërejmë fatkeqësisht edhe te një pjesë e të rinjve, deputetë që kanë hyrë në parlament, të cilët nuk arrijnë dot të rrokëzojnë dhe të kuptojnë atë çfarë ju shkruhet. Ndonëse mund të kenë dalë mirë apo keq në universitet, kjo bëhet dhe më e rëndë akoma dhe tregon që në këtë pikë qendrimi ka arritur atje ku nuk mban më thotë populli", tha Malaj.