web counter
LEXO PA REKLAMA!

SHKARKO APP

App Store
Google Play

E fundit!

x

“Grusht” në fytyrën e Veliajt/ “Kushtetuesja” nuk i kalon për shqyrtim ankimimin për gjykimin në themel

4 Korrik 2026, 13:25, Aktualitet CNA

“Grusht” në fytyrën e Veliajt/ “Kushtetuesja”

Gjykata Kushtetuese ka vendosur se nuk do të kalojë për shqyrtim ankimin e kryebashkiakut të arrestuar Erion Veliajt lidhur me vendimmarrjen e gjyqtares Etleva Deda për të kaluar për gjykim në themel të çështjes penale ndaj tij.

Vendimi nga gjyqtarja e posaçme për të kaluar çështjen në ngarkim të Veliajt dhe 29 personave të tjerë, u dha më 9 shkurt të këtij viti.

Ky vendim u ankimua nga kryebashkiaku ndaj të cilit rëndojnë 13 akuza për 5 vepra të rënda penale. Ai kishte kërkuar gjithashtu pavlefshmërinë e çdo seance të zhvilluar pas vendimit të 9 shkurtit, seanca ku ai vetë nuk paraqitet nga frika e përballjes me drejtësinë.

Gjykata Kushtetuese vendosi të mos e kalojë ankimimin e çështjes për shqyrtim në seancë plenare.

Vendimi i plotë i Gjykatës Kushtetuese:

Moskalimin e çështjes për shqyrtim në seancë plenare

1. Shfuqizimi si i papajtueshëm me Kushtetutën i vendimit nr. 29, datë 09.02.2026 të Gjykatës së Posaçme të Shkallës së Parë për Korrupsionin dhe Krimin e Organizuar (vendim i gjyqtarit të seancës paraprake znj. Etleva Deda);

2. Pavlefshmëria e të gjitha seancave të zhvilluara në lidhje me procedimin penal nr. 27/2024 në Gjykatën e Posaçme të Shkallës së Parë për Korrupsionin dhe Krimin e Organizuar pas datës së dhënies së vendimit nr. 29, datë 09.02.2026 të gjyqtarit të seancës paraprake znj. Etleva Deda;

3. Konstatimi i papajtueshmërisë me Kushtetutën të paragrafit të parë, germa “a”, të nenit 332/gj të Kodit të Procedurës Penale;

4. Konstatimi i papajtueshmërisë me Kushtetutën të nenit 14 të ligjit nr. 95, datë 06.1.2026 “Për organizimin dhe funksionimin e institucioneve për të luftuar korrupsionin dhe krimin e organizuar”;

5. Shpenzimet gjyqësore në ngarkim të subjektit të interesuar

“Grusht” në fytyrën e Veliajt/ “Kushtetuesja”

Kryebashkiaku i Tiranës ndodhet në qelitë e Burgut të Durrësit që prej shkurtit të vitit të kaluar. Ndaj tij rëndojnë 13 akuza për 5 vepra të rënda penale, përfshirë korrupsionin pasiv, pastrim parash, mosdeklarim pasurie, shpërdorim detyre dhe futja e sendeve në burg.

Tashmë në gjykatë janë 60 mijë faqe me fakte dhe prova për të gjitha veprat penale, të cilat rëndojnë mbi të dhe Veliaj prej 15 seancash po përdor teknikalitete dhe makinacione të ndryshme për të zvarritur proceset gjyqësore. Veliaj është lënë në burg nga të gjitha nivelet e gjykatave, ndërsa ende tenton që me justifikime të shtyjë gjykimin e tij. /CNA





Lajmet e fundit nga