E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

"Jemi përballë një momenti historik"/ Sadushi: Drejtësia përballet ende me trysni dhe paragjykime nga jashtë

21 Tetor 2025, 11:39, Aktualitet CNA

"Jemi përballë një momenti historik"/ Sadushi:

Kryetari i Gjykatës së Lartë, Sokol Sadushi, i pranishëm në konferencën "30 vite partneritet dhe përparim - Shqipëria, Këshilli i Europës dhe Komisioni i Venecias", foli për procesin e vetingut, për të cilin tha se ka pasur një mbështetje kryesore nga Komisioni i Venecias.

Sadushi u shpreh se aktualisht sfida e Shqipërisë është ta kthejë në të qëndrueshëm rezultatin e reformës në drejtësi.

Më tej, kreu i Gjykatës së Lartë tha se në institucionet e drejtësisë nevojiten drejtues që e shohin drejtësinë përtej funksionit administrativ dhe statusit personal.

Sadushi deklaroi se sistemi i drejtësisë përballet ende me trysni apo paragjykime nga jashtë.

“Komisioni i Venecias, institucioni më i besueshëm i së drejtës. Komisioni ka qëndruar pranë institucioneve shqiptare në çdo reformë të ndërmarrë. Sot pas 30 vitesh bashkëpunim, Shqipëria përballet me një sfidë të re, ta kthejë rëzultatin e reformës në drejtësi më të qëndrueshëm.

Sfida e sotme është krijimi i një kulture të qëndrueshme përgjegjësie dhe besimi. Duhet pranuar se ngritja e institucioneve të reja nuk është fundi i reformës, po vetëm fillimi i saj. Kultura e bashkëpunimit institucional është ende në proces formimi. Kërkohen drejtues që shohin përtej fundksionit administrativ dhe e kuptojnë drejtësinë si shërbim ndaj qytetarëve, jo si status personal.

Komisioni i Venecias mund të japë modele, por kuraja dhe etika nuk importohen, ato formohen. Duhet të jemi të parët që reflektojmë që përmirësohemi dhe që japim shembullin se si reforma funksionon.

Drejtësia përballet ende me trysni dhe paragjykime nga jashtë. Sistemi i drejtësisë gjykohet më shumë për vonesat sesa për qëllimin. Pavarësisht sfidave dhe pengesave, thelbi i saj mbetet i pandryshuar sepse reforma nuk ka dështuar.

Bashkëpunimi mes institucioneve shqiptare dhe autoriteteve ndërkombëtare dëshmoi se reforma është një akt besimi.

Vetingu tregoi se drejtësia mund të pastrohet nga brenda, pa dhunë, por me përgjegjësi. Drejtësia shqiptare duhet të çlirojë veten nga kompleksi i reformave. Drejtësia ndodhet përballë një momenti historik. Konsolidimi i drejtësisë.

Komisoni i Venecias do të vazhdojë të frymëzojë drejtësinë shqiptare, ndërsa kjo e fundit duhet të vijojë të mbajë gjallë vizionin. Drejtësisa e vërtetë nuk ndërtohet nga të tjerët për ne, por ndërtohet bashkë, me mbështetje. Kjo është prova e pjekurisë. Vetëm kështu drejtësia shqiptare do të jetë jo vetëm aspiratë, por realitet”, tha Sadushi.