web counter
LEXO PA REKLAMA!

SHKARKO APP

App Store
Google Play

Arrestimi i avokatit dhe lirimi i tij/ Sula: Prokurori nuk mund të mos reagonte, nëse është fyer

20 Tetor 2025, 21:02, Aktualitet CNA

Arrestimi i avokatit dhe lirimi i tij/ Sula: Prokurori nuk mund të mos

Ish-deputeti, Dashnor Sula ka komentuar mbrëmjen e sotme arrestimin e avokatit, Ulian Barjami, i cili u lirua pak orë më parë nga qelia.

I ftuar në emisionin “Now me Erla Mëhillin”, Sula tha se është për të ardhur keq situata në të cilën ndodhet sot drejtësia. Ish-deputeti shtoi më tej se prokurori nuk mund të rrinte pa bërë asnjë reagim nëse është fyer apo kërcënuar nga avokati.

"Shpreh keqardhje për situatën në të cilën ndodhet drejtësia në terësi. Nuk mund të marr përsipër të flas pa ditur gjithçka. Po hamendësoj sikur prokurori të jetë kërcënuar, fyer apo sharë, çfarë mund të presësh t'i thuash qetësisht shko në shtëpi. I bie nuk ka të drejtë të reagojë.

Do ishte fyese nëse një prokuror do ishte pa identitet. Profesioni i prokurorit, i gjyqtarit kërkon t'i kesh nervat çelik. Nuk mund të pretendojmë se jemi në vend normal, ne jemi një shoqëri me sindroma, shoqëria e frustruar që e kemi në gjak tendencën e kundërshtimit ekstrem. Të arrish deri atje sa të akuzosh një prokuror me fjalën e fundit.", u shpreh Sula ndër të tjera. /CNA





Lajmet e fundit nga