web counter
LEXO PA REKLAMA!

SHKARKO APP

App Store
Google Play

Prej 10 ditësh në spitalin Hygeia/ Si paraqitet gjendja shëndetësore e Fatos Nanos

20 Tetor 2025, 20:50, Aktualitet CNA

Prej 10 ditësh në spitalin Hygeia/ Si paraqitet gjendja

Prej 10 ditësh ish-kryeministri Fatos Nano ndodhet në gjendje të rëndë shëndetësore i shtruar në reanimacionin e spitalit Hygeia.

CNA ka konfirmuar nga burime zyrtare se ish-kryeministri ka shfaqur një gjendje të rënduar dhe kjo është e përsëritur. Ai vuan nga disa sëmundje kronike dhe gjendja e tij sipas të dhënave siguruar zyrtarisht paraqitet mjaft e rëndë.

Ish-kryeministri është shtruar te spitali privat Hygeia gati 10 ditë më parë ku vazhdon të kurohet në mënyrë intensive siç e përmendëm më lart nga një sërë sëmundjesh.

Fatos Nano ka qenë tri herë kryeministër i Shqipërisë në vitin 1991, 1997-1998 dhe 2002-2005, si edhe ka drejtuar Partinë Socialiste për 14 vite.

Fatos Nano e filloi karrierën politike në vitin 1991 pasi u zgjodh sekretar i Këshillit të Ministrave dhe më pas Kryeministër në Qeverinë e Tranzicionit, që u ngrit me qëllim përgatitjen e vendit për tranzicionin drejt një ekonomie tregu dhe sistemi demokratik. Po atë vit ai u zgjodh kryetar i Partisë Socialiste.

Fatos Nano u zgjodh si kryeministër pas fitores së PS-së në zgjedhjet e parakohshme të vitit 1997, por në shtator të vitit 1998 u dorëhoq pas vrasjes së ish-themeluesit të PD-së, Azem Hajdari.

Nano u bë sërish Kryeministër në korrik 2002. Në 3 korrik 2005 Partia Socialiste humbi zgjedhjet dhe shumicën në Parlament. Më 1 shtator 2005 Fatos Nano dha dorëheqjen si kryetar i Partise Socialiste duke dalë përfundimisht nga politika aktive./ CNA





Lajmet e fundit nga