web counter
LEXO PA REKLAMA!

SHKARKO APP

E fundit!

x

Sulmi kibernetik nga “Homeland Justice”/ Reagon Prokuroria e Përgjithshme

31 Mars 2026, 12:47, Aktualitet CNA

Sulmi kibernetik nga “Homeland Justice”/ Reagon Prokuroria e

Prokuroria e Përgjithshme ka reaguar lidhur me sulmin kibernetik nga hakerët iranianë të “Homeland Justice”.

Sipas reagimit, deri më tani nuk janë konstatuar gjurmë kompromentuese nga incidenti. Më tej thuhet se stafet e IT-së po monitorojnë në mënyrë të vazhdueshme situatën.

“Për shkak të interesit në lidhje me hakerimin e mundshëm të faqes zyrtare së Prokurorise së Përgjithshme, ju bëj me dije se nga verifikimet e kryera nga eskpertet e sigurisë së IT-së nuk janë konstatuar gjurmë kompromentuese deri në momentin që flasim në formën e hakerimit. Stafet tona të IT-së janë duke monitoruar në mënyrë të vazhdueshme situatën”, thuhet në reagimin e Prokurorisë.

Edhe Gjykata e Lartë ka reaguar lidhur me ngjarjen, ku shprehet se sistemi i brendshëm apo faqja zyrtare nuk kanë pësuar asnjë sulm.

“Përshëndetje! Në lidhje me interesimin tuaj, ju bëjmë me dije se Gjykata e Lartë, nuk ka pësuar sulm kibernetik, por sipas pretendimeve të Homeland Justice, grupit në Telegram, ka pësuar sulm kibernetik faqja gjykata.gov.al e cila është në menaxhimin e plotë të KLGj, dhe nuk ka asnjë lidhje me sistemin e brendshëm apo faqen zyrtare të Gjykatës së Lartë“, thuhet në reagim.

Shënjestër e sulmeve ishte edhe Gjykata e Lartë, ndërsa disa ditë më parë u sulmua edhe sistemi i IT-së së Kuvendit dhe Posta Shqiptare. /CNA





Lajmet e fundit nga