web counter
LEXO PA REKLAMA!

SHKARKO APP

App Store
Google Play

Nuk zbatuan sigurinë në kantiere/ IKMT gjobit 22 subjekte në Tiranë

30 Mars 2026, 16:48, Aktualitet CNA

Nuk zbatuan sigurinë në kantiere/ IKMT gjobit 22 subjekte në

Inspektorati Kombëtar i Mbrojtjes së Territorit me anë të një njoftimi ka bërë me dije se janë gjobitur 22 subjekte në Tiranë.

Në njoftimin e bërë, IKMT thotë se janë kryer riverifikim në 132 objekte ndërtimi dhhe në 22 raste është konstatuar moszbatimi i masave të kërkuara dhe mospërputhje me kërkesat ligjore.

 

Njoftimi i IKMT

 

 

Siguria teknike në kantiere, IKMT gjobit 22 subjekte në Tiranë

Inspektorati Kombëtar i Mbrojtjes së Territorit po vazhdon me intensitet inspektimin e kantiereve të ndërtimit në të gjithë territorin, me fokus të veçantë edhe në Bashkinë e Tiranës, për shkak të numrit të lartë të lejeve në zbatim.

Gjatë fazës së dytë të rikontrollit në kantieret e ndërtimit në Bashkinë e Tiranës, deri të premten e kaluar janë kryer riverifikime në 132 objekte ndërtimi, ku është vlerësuar shkalla e përmbushjes së detyrimeve të vendosura gjatë kontrollit fillestar.

Në 22 raste është konstatuar mungesë reflektimi dhe moszbatim i masave të kërkuara, si dhe mospërputhje me kërkesat ligjore. IKMT ka proceduar këto subjekte në përputhje me dispozitat e legjislacionit në fuqi, i cili përcakton ndëshkimin me gjobë, masa e së cilës varet nga natyra e shkeljes së konstatuar.

Procesi i kontrollit, në bashkëpunim me IMT-të vendore dhe AZHT-në, vijon në të gjithë territorin, me qëllim garantimin e përputhshmërisë me standardet e sigurisë dhe kërkesat ligjore në fushën e ndërtimit.

 





Lajmet e fundit nga