web counter
LEXO PA REKLAMA!

SHKARKO APP

App Store
Google Play

E fundit!

x

Hotel dhe apartamente/ Drejtori i Veliajt nga zyrtar në biznesmen, ortakëritë e Elvin Tivarit

19 Maj 2024, 18:27, Aktualitet CNA

Elvin Tivari është një nga drejtorët e Erion Veliajt, nën hetim nga SPAK-u për dosjen “5D”, e cila u kallëzua nga ish-deputeti Belind Këlliçi.

Tivari ka qenë drejtor i shitjeve tek Ujësjellës Kanalizimet në Tiranë. Ashtu si drejtorët e tjerë të kësaj bashkie edhe Tivari pësoi një ngritje të menjëhershme ekonomike. Nga zyrtar ai u kthye në biznesmen.

Emisioni "Kronos" ka renditur pasuritë e drejtorit të Veliajt, nga hoteli në Dhërmi, te apartamentet apo edhe ortakëritë me Fatos Malajn, vëllain e kryebashkiakut të Matit Agron Malaj.

Elvin Tivari, bashkëpunëtori i ngushtë i Redi Mollës, rezulton aksioner në hotelin ‘La Brissa’ në Dhërmi. Kompania zotërohet në 60% të aksioneve nga Fatos Malaj, vëllai i kryebashkiakut të Matit Agron Malaj dhe 40% nga Elvin Tivari.

Hotel dhe apartamente/ Drejtori i Veliajt nga zyrtar në biznesmen,

Ndërtimi i hotelit nisi në fundin e vitit 2021 dhe përfundoi në qershor të vitit 2022, pa u pajisur me leje ndërtimi siç kanë raportuar mediat investigative. Punimet janë kryer nga kompania ABG në pronësi të Durim Mustafaj, i cili ka qenë i punësuar në ujësjellësin e Tiranës.

Hotel dhe apartamente/ Drejtori i Veliajt nga zyrtar në biznesmen,
Bashkia Tiranë

Sipas lëvizjeve financiare, kompania ABG nuk ka marrë pagesën për punimet e kryera në vlerën 630 mijë euro për hotelin dhe për t’i kthyer këto para i është dhënë një tender nga Bashkia Mat me vlerë 3 milion euro. Rezulton se kompania Global Security në emër të Fatos Malaj, ka marrë në bashkëpunim me operatorë të tjerë 15 tendera nga Bashkia Tiranë dhe institucione në varësi të saj me vlerë totale 35 milion euro, ku në 13 procedura ka qënë e përzgjedhur nga Ujësjellësi i Tiranës në kohën që ka qënë i drejtuar nga Redi Molla. Kompania Global Security po ashtu rezulton të ketë lidhur marrëveshje me kompaninë Integrated Energy Bv Spv (koncesionarin e inceneratorit të Tiranës) për të kryer shërbimin e sigurisë fizike të landfillit dhe paguhet 32 mijë euro në muaj.

Elvin Tivari rezulton pronar i gjysmës së një apartamenti në Tiranë të blerë në vitin 2021 për 21 mijë euro, një garazhi dhe një sipërfaqe trualli në Durrës nga ku atij dhe familjarëve të tij u takon 280 metra katrorë. Apartamenti është në bashkëpronësi me Ilir Hoxhallarin, i cili rezulton pronar i firmës PC Security që ka përfituar disa kontrata me vlerë miliona euro në bashkëpunim me Global Security pranë Ujësjellësit të Tiranës në kohën që Tivari ishte drejtor i shitjeve.

Të ardhurat nga kontratat me autoritetet publike, duket se shumica e e përfituesve i kanë investuar në pasuri të patundshme. Të dhënat e siguruara nga Kronos tregojnë se kryebashkiaku i Matit ka blerë në vitin 2021 një apartament me sipërfaqe 131 metra katrorë në zonën afër liqenit Artificial të njohur si pallati ‘Park Gate’ për vlerën 257 mijë euro dhe një garazh me vlerë 7 mijë euro. Vëllai i tij Fatos Malaj zotëron një dyqan të blerë më vlerë 340 mijë euro me sipërfaqe 90 metra katrorë dhe një apartament 104 metra të blerë me vlerë 195 mijë euro. Po ashtu Fatos Malaj zotëron 9 mijë metra arrë në Yrshek dhe 2 mijë metra pemëtorë, ndërsa në zonën e Dhërmiut ku është ndërtuar hoteli ‘La Brissa’ rezulton e regjistruar në emër të z. Malaj 100 metra katrorë pemëtore.

Këto janë vetëm disa nga pasuritë e Elvin Tivarit, ndërkohë që CNA ka denoncuar dhe do të vazhdojë të denoncojë lidhjet drejtorit të Veliajt që u kthye në biznesmen dhe u bë me prona e hotele./ CNA





Lajmet e fundit nga