web counter
LEXO PA REKLAMA!

SHKARKO APP

App Store
Google Play

E fundit!

x

Megaoperacioni i SPAK/ Goditen 7 grupe kriminale, 50 urdher-arreste, sekuestrohen pasuri me vlerë 4.5 mln euro

18 Maj 2024, 15:11, Aktualitet CNA

Struktura e Posaçme kundër korrupsionit dhe krimit të organizuar ka dalë me një njoftim zyrtar në lidhje me megaopeacionin e zhvilluar gjatë orëve të fundit për kapjen e "kokave" të bandave kriminale. 

Në njoftim theksohet se janë goditur 7 grupe të strukturuara kriminale me fuqi të konsiderueshme dhe me shtrirje  gjeografike të aktivitetit të tyre kriminal në disa nga qytetet kryesore të vendit si Tiranë, Durrës, Vlorë, Lezhë, Fushë Krujë dhe Rrëshen.

Operacioni zgjati për 20 orë, ku u angazhuan afërsisht 30 hetues të BKH-së, forcat RENEA, Policia e Shtetit dhe 1 oficer të Europol. 

GJKKO ka vendosur masat e sigurisë personale “arrest në burg”, për 50 shtetas të dyshuar si autorë të kryerjes së veprave penale, konkretisht: A.N, A.T, I.N, S.N, V.T, E.M, J.K, A.A(alias A.B, alias A.S), A.A( alias E.A), M.B, N.S, E.SH, B.A, E.N, O.Z, E.J, A.N, K.N, E.R, B.XH, E.D, R.L, F.T, K.SH, H.M, GJ.C, K.T, D.M, V.I, S.B, M.H, T.XH, E.M, A.Z, F.K, A.GJ, D.B, A.P, D.B, E.D, XH.RR, A.M, G.B, L.D, E.D, F.H, D.B, A.G, F.B dhe E.Z.

Nga këto urdhër arreste, 14 prej tyre janë ekzekutuar në Shqipëri dhe 6 jashtë vendit ku falë bashkëpunimit të Interpol Tirana me homologë të tyre është bërë e mundur arrestimi i shtetasve shqiptarë në Itali (2 persona),  Gjermani (1 person) dhe Spanjë (1) dhe Belgjikë (2).

Gjatë ekzekutimit të vendimeve të gjykatës janë gjetur dhe sekuestruar në cilësinë e provës materiale pasuri me vlerë të përafërt mbi 4,5 milion euro:

-96,760 Euro cash;
-Sasi të konsiderueshme floriri dhe bizhuteri të shtrenjta;
-Ora të markave të shtrenjta me një vlerë të përafërt prej 500.000 Euro;
-Armë zjarri;
-Targa të përshtatura automjetesh;
-Automjete luksoze (nga të cilat 5 të blinduara me vlerë mbi 500,000 Euro);
-Sisteme vrojtimi kamerash, tavolinë pokeri, etj./CNA 

 

 

 





Lajmet e fundit nga