web counter
LEXO PA REKLAMA!

SHKARKO APP

App Store
Google Play

E fundit!

x

SPAK "zbërthen" planin/ Ervis Martinaj donte të vriste Durim Bamin, në ndihmë i erdhi Shullazi

18 Maj 2024, 15:21, Aktualitet CNA

SPAK ka dalë me një njoftim zyrtar për megaoperacionin e zhvilluar gjatë orëve të fundit ku janë goditur 7 grupe kriminale si dhe janë lëshuar 50 urdhër-arreste. Deri më tani janë ekzektuar 20 masa sigurie, 14 në Shqipëri dhe 6 jashtë vendit. 

Operacioni i shtrirë në Tiranë, Durrës, Vlorë, Lezhë, Fushë Krujë dhe Rrëshen, zgjati për 20 orë, ku u angazhuan afërsisht 30 hetues të BKH-së, forcat RENEA, Policia e Shtetit dhe 1 oficer i Europol. Në total është sekuestruar një pasuri me vlerë 4.5 milionë euro. 

SPAK bën e dije se kjo që është karakteristikë për këta grupe kriminale është dhuna e egër e treguar në kryerjen e krimeve, si dhe pasojat shumë të rënda të ardhura nga këta veprime kriminale. Pjesëtarë të një grupi kriminal në raste të ndryshme bashkëpunojnë me grupe të cilët janë kundërshtarë të njëri- tjetrit.

Nga hetimet ka rezultuar se në qendër të këtyre grupeve kriminale është grupi kriminal i krijuar nga Ervis Martinaj, i cili është në aleancë me grupin kriminal që vepronte në qytetin e Lezhës të drejtuar nga Arben Ndoka. 

Këta dy grupe kriminale, për arritjen e qëllimit kriminal kanë kontaktuar anëtarë të një grupi tjetër kriminal i cili vepronte në qytetin e Durrësit.

Të dy grupet kriminale kanë rekrutuar vrasës me pagesë të cilët veprojnë kryesisht në zonën e Fushë – Krujës dhe në zonën e Burrelit.

Ervis Martinaj, kontakton shtetasin V.I., i cili sapo kishte përfunduar vuajtjen e dënimit me burgim i kërkon vrasjen e shtetasit F.H.

Në ndihmë të grupeve kriminale të drejtuara Martinaj dhe Ndoka vijnë edhe shtetasit Emilajno Shullazi dhe A.A, për të kryer vrasjen e Durim Bamit. 

Detaje nga njoftimi i SPAK: 

E.SH. kontakton me të hetuarin T. B., të cilit i kërkon vrasjen e D.B. Po kështu E.SH., siguron informacione për lëvizjet e Bamit. Dhe këto informacione i’a vë në dispozicion shtetasit Ndoka. Nga ana tjetër në zonën e Fushë Krujës spikat grupi kriminal i drejtuar nga shtetasi Durim., i cili shfaqet në konflikt të hapur me grupet kriminale të drejtuara nga Martinaj dhe Ndoka.

Grupi kriminal i drejtuar nga Bami bën aleancë me një grup kundërshtar të shtetasit Martinaj, dhe që drejtohet nga shtetasit L.D. dhe F.H., persona me precedentë të theksuar kriminal me qëllim vrasjen e E.M. dhe A.N. dhe anëtarëve të tjerë të këtyre grupeve kriminale. 

Hetimet kanë evidentuar ekzistencën edhe të një grupi tjetër kriminal të drejtuar nga shtetasi E.R. Ky shtetas me qëllim hakmarrje ka organizuar vrasjen e shtetasit P.Gj., ku në datën 15.09.2020, ky i fundit ka mbetur i plagosur rëndë si pasojë e shpërthimit me eksploziv të automjetit me të cilin udhëtonte. E.R., ka rekrutuar si pjesë të grupit shtetasit E.D., B.Xh. etj., të cilëve ju kishte premtuar një shumë të konsiderueshme parash me qëllim vrasjen e shtetasit P.Gj.

Shtetasi K.Sh., me detyrë me detyrë Shef i Seksionit të Trafiqeve të Paligjshme dhe Narkotikëve në Drejtorinë Vendore të Policisë, Lezhë, si pjesë e grupit të strukturuar kriminal ndihmonte shtetasin E.R., duke i dhënë informacion në lidhje me automjetet dhe hyrje-daljet e shtetasit P.Gj.

Hetimi ka nxjerrë në pah se, këto grupe kriminale ishin në gjendje të paguanin shuma të mëdha parash me qëllim realizimin e vrasjes të kundërshtarëve të tyre. Mënyra e kryerjes së veprave penale tregon gjithashtu një shkallë shumë të lartë organizimi dhe rrezikshmërie shoqërore./CNA 





Lajmet e fundit nga