web counter
LEXO PA REKLAMA!

SHKARKO APP

App Store
Google Play

Goditet grupi që mashtronte përmes call center/ 6 të arrestuar, në kërkim administratori

2 Gusht 2023, 11:31, Aktualitet CNA

Goditet grupi që mashtronte përmes call center/ 6 të arrestuar,

Një grup që mashtronin  përmes call center shtetas të huaj, kryesisht italianë dhe grekë, që të investonin para në tregje fiktive është goditur nga policia.

Përmes operacionit të koduar "Selita Center", u arrestuan në flagrancë 6 shtetas të punësuar në këtë subjekt (mes tyre përgjegjësi i firmës dhe shefja e personelit) ndërsa është shpallur në kërkim administratori i këtij subjekti. 

Të arrestuarit janë 35 vjeçari me inicialet E. M., , me detyrë përgjegjës i firmës, 29 vjeçarja me inicialet P. R., , me detyrë shefe e personelit të firmës, 27 vjeçari me inicialet D. T., dhe 36 vjeçari me inicialet A. B., , të katërt banues në Tiranë, si dhe shtetasit 29 vjeçari me inicialet E. J., dhe 34 vjeçari me inicialet F. Z., , të dy banues në Vlorë.

Administrator i këtij subjekti, i shpallur në kërkim është 31 vjeçari me inicialet J. M.

Në ambientet e këtij subjekti,u gjetën 53 operatorë të cilët ishin punësuar në mënyrë të paligjshme.

Janë  sekuestruar 101 kompjuterë, 2 laptopë, 1 DVR dhe 10 celularë.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprat penale “Mashtrimi kompjuterik”, “Punësimi i paligjshëm”, “Fshehja e të ardhurave”, “Mospagimi i taksave dhe tatimeve” dhe “Pastrimi i produkteve të veprës penale ose veprimtarisë kriminale”./CNA.al





Lajmet e fundit nga