web counter
LEXO PA REKLAMA!

SHKARKO APP

GJKKO refuzon kërkesën e Malltezit, nuk i kthen mbrapsht telefonin

16 Nëntor 2023, 10:33, Aktualitet CNA
GJKKO refuzon kërkesën e Malltezit, nuk i kthen mbrapsht telefonin
Jamarbër Malltezi

Të enjten, Gjykata e Posaçme ka rrëzuar kërkesën e dhëndrit të ish-kryeministrit Sali Berisha, Jamarbër Malltezi, për kthimin e telefonit.

Mësohet se Malltezi kishte kërkuar kthimin e telefonit dhe kompjuterëve dhe disa materialeve të tjera shkresore, të sekuestruara nga ana e SPAK-ut gjatë ditës së arrestimit. 

Por gjyqtarja Irena Gjoka la në fuqi masën e sekuestros me argumentin se sendet e mësipërme janë sekuestruar në cilësinë e provës materiale. 

Gjykata e Posaçme ka vendosur masën "arrest me burg" për Malltezin për akuzën e korrupsionit aktiv për çështjen e privatizimit të ish-kompleksit "Partizani". Të gjitha akuzat janë mohuar nga dhëndri i ish-kryeministrit. 

Ndërkohë për ish-kryeministrin Sali Berisha gjykata ka dhënë masën detyrim paraqitje si dhe është vendosur që ai duhet të paraqitet 2 herë në muaj në BKH.

Ankimimet e Sali Berishës dhe Jamarbër Malltezit për masat e sigurisë do të shqyrtohen nga Apeli i GJKKO më datë 20 nëntor ora 09:00. Mësohet se do të jetë gjyqtarja Iliriana Olldashi që do të shqyrtojë ankimimet./CNA

 

 





Lajmet e fundit nga