web counter
LEXO PA REKLAMA!

SHKARKO APP

App Store
Google Play

Caktohet gjyqtarja që do shqyrtojë ankimimet e Berishës dhe Malltezit më 20 nëntor

15 Nëntor 2023, 13:19, Politikë CNA

Caktohet gjyqtarja që do shqyrtojë ankimimet e Berishës dhe

Ankimimet e Sali Berishës dhe Jamarbër Malltezit për masat e sigurisë do të shqyrtohen nga Apeli i GJKKO më datë 20 nëntor ora 09:00. Mësohet se do të jetë gjyqtarja Iliriana Olldashi që do të shqyrtojë ankimet.

“Gjykata e Posaçme e Apelit për Korrupsionin dhe Krimin e Organizuar, më 14.11.2023, regjistroi çështjen penale nr. 56 akti, datë 14.11.2023 regjistrimi, mbi ankimin e personave nën hetim S.B. dhe J.M., me objekt: “Ankim ndaj vendimit nr. 112, datë 20.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar” që ka disponuar në lëndë të masave të sigurimit personal. Sipas shortit, trupi gjykues monokratik përbëhet nga gjyqtarja Iliriana Olldashi. Seanca gjyqësore jopublike është caktuar për më datë 20.11.2023, ora 09:00”, thuhet në njoftim.

Gjykata e Posaçme ka vendosur masën detyrim paraqitje për ish-kryeministrin për privatizimin e ish-kompleksit "Partizani", pasi akuzohet për korrupsion pasiv. Për këtë dosje nën hetim, e cila është në duart e SPAK-ut, është arrestuar edhe dhëndri i tij, Jamarbër Malltezi, mbi të cilin rëndon akuza korrupsion aktiv. 

Masën "detyrim paraqitje" gjykata ka dhënë edhe për ndërtuesin Fatmir Bektashi. 

Ndërkohë është vendosur që Sali Berisha duhet të paraqitet 2 herë në muaj në BKH./CNA

 





Lajmet e fundit nga