web counter
LEXO PA REKLAMA!

SHKARKO APP

App Store
Google Play

Basha "dordoleci" i Ramës, Berisha “tregon” rolin e tij në ndihmë të qeverisë

14 Nëntor 2023, 13:52, Politikë CNA

 

Basha "dordoleci" i Ramës, Berisha “tregon” rolin e
Edi Rama dhe Lulzim Basha

Ish-kryeministri Sali Berisha nuk i ka ndalur epitetet ndaj Lulzim Bashës. Edhe njëherë ai e ka cilësuar Lulzim Bashën si të pakallur në rrafshin politik ndërsa vijoi më tej me ironi duke e etiketuar si “shpifë arash”. Berisha tha se çdo javë për Bashën dalin të dhëna të tjera tronditëse.

“Unë qëndroj plotësisht te vija e kuqe për Lulzim Bashën. Siç e shihni ju, çdo javë dalin të dhëna të tjera tronditëse. Mos të mendojë kush se hetimi i 4 gazetarëve të 'BBC' është i porositur nga Tirana. Jo, absolutisht. Por Lulzim Basha është përfundimisht i pakallur në rrafshin politik, e mban Edi Rama si shpifë arash. E di se çfarë është shpifa e arave? Ta tregoj unë. Kur fillon të piqet misri ose gruri, vërshojnë zogjtë dhe sorrat për t’u ushqyer. Atëherë fermerët marrin e bëjnë një dordolec, që shpendët të mendojnë se është një njeri. E përdor Rama në kuptimin figurativ.”-tha Berisha.

Ish-kryeministri në një deklaratë për mediat në përfundim të mbledhjes së grupit parlamentar paralajmëroi se Rama po përgatit ndryshimet në qeveri me qëllim që të saldojë krimin./CNA

 





Lajmet e fundit nga