web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet shkresa/ GJKKO vë në dijeni Kuvendin për marrjen në pyetje të Berishës

15 Nëntor 2023, 10:57, Politikë CNA

Zbardhet shkresa/ GJKKO vë në dijeni Kuvendin për marrjen në

Më 10 nëntor, Gjykata e Posaçme i ka dërguar zyrtarisht një shkresë Kuvendit ku e vë në dijeni që do të merret në pyetje ish-kryeministri Sali Berisha për çështjen e ish-kompleksit "Partizani".  

"Në zbatim të urdhrit të gjykatës për komunikimin e  vendimit të 26 tetorit 2023 , të Gjykatës së Posaçme të Shkallës së Parë për Korrupsionin dhe Krimin e Organizuar, qe i përket shtetasit Sali Berisha, me objekt: 'Marrjen ne pyetje te personit nen hetim' me qellim marrjen dijeni nga ana Juaj", thuhet në shkresë.

Shkresa është protokolluar nga sekretariati i Kuvendit më 14 nëntor.

Gjykata e Posaçme ka vendosur masën detyrim paraqitje për ish-kryeministrin për privatizimin e ish-kompleksit "Partizani", pasi akuzohet për korrupsion pasiv. Për këtë dosje nën hetim, e cila është në duart e SPAK-ut, është arrestuar edhe dhëndri i tij, Jamarbër Malltezi, mbi të cilin rëndon akuza korrupsion aktiv. 

Masën "detyrim paraqitje" gjykata ka dhënë edhe për ndërtuesin Fatmir Bektashi. 

Ndërkohë është vendosur që Sali Berisha do të duhet të paraqitet 2 herë në muaj në BKH.

Zbardhet shkresa/ GJKKO vë në dijeni Kuvendin për marrjen në

 

 

 





Lajmet e fundit nga