web counter
LEXO PA REKLAMA!

SHKARKO APP

App Store
Google Play

E fundit!

x

Gazetari kërcënohet nga familjarët e shefit të Krimeve në Përmet/ Asociacioni dhe SafeJournalist dënojnë ngjarjen

1 Tetor 2025, 17:47, Aktualitet CNA

Gazetari kërcënohet nga familjarët e shefit të Krimeve

Ditën e sotme u raportua se gazetari Piro Nase është kërcënuar nga familjarët e shefit të Krimieve në Përmet, Dhurim Çenko.

Kërcënim që erdhi pasi gazetari raportoi se shefi i krimeve ishte pezulluar nga detyra pasi kishte dijeni për ngjarjen e ndodhur pak kohë më parë, ku dy policë abuzuan seksualisht me një të mitur.

Gazetari raportoi se shefi i Krimeve nuk kishte marrë masa dhe pse ishte në dijeni të ngjarjes.

Në lidhje me këtë ngjarje ka reaguar rrjeti Safe Journalists Albania, i cili thotë se shpreh slidaritet të plotë me gazetarin. Më tej, në reagim, SafeJournalists u bën thirrje institucioneve përgjegjëse të garantojnë sigurinë e tij në mënyrë që të vazhdojë detyrën.

“SafeJournalists Albania shpreh solidaritet të plotë me kolegun  Piro Nase dhe u bën thirrje institucioneve të garantojnë sigurinë e tij, në mënyrë që ai të vazhdojë detyrën e tij profesionale i lirë nga presioni dhe intimidimi”, thuhet në postim.

 

Në lidhje me ngjarjen gjithashtu ka reaguar dhe Asociacioni i Gazetarëve të Shqipërisë, të cilët shprehen se janë të tronditur nga kërcënimet e bëra ndaj gazetari.

Asociacioni kërkon që të nisisn me urgjencë hetimet nga institucionet dhe inkurajojnë gazetarin të vijojë detyrën.

 

“Asociacioni i Gazetarëve të Shqipërisë është i tronditur nga kërcënimet ndaj kolegut tonë të Report TV Piro Nase.

AGSH është vënë në dijeni të një kërcënimi me jetë ndaj gazetarit Piro Nase nga familjarët e shefit të Krimeve në Përmet i pezulluar pas raportimeve se ishte në dijeni të një abuzimi seksual me të mitur.

Menjëherë pas lajmit të raportuar nga Nase, ai ka marrë telefonata kërcënuese nga familjarët e efektivit për të cilat AGSH është vënë në dijeni dhe ka mundur të shohë e dëgjojë provat e kërcënimit.

Ne kërkojmë me urgjencë që strukturat e policisë dhe Prokuroria e Gjirokastrës të nisin menjëherë hetimet dhe të vendosin përgjegjësisë autorët e kërcënimeve.

Ne i qëndrojmë në krahë kolegut Nase dhe e inkurajojmë atë të vijojë shërbimin ndaj qytetarëve me korrektësi dhe guxim”, thotë Asociacioni.

 





Lajmet e fundit nga