web counter
LEXO PA REKLAMA!

SHKARKO APP

App Store
Google Play

E fundit!

x

Dekretohet data e zgjedhjeve/ Merr fund saga e ankimimeve dhe show-t të Erion Veliajt

1 Tetor 2025, 17:23, Aktualitet CNA

Dekretohet data e zgjedhjeve/ Merr fund saga e ankimimeve dhe show-t të

Presidenti i Republikës, Bajram Begaj dekretoi sot datën 9 nëntor për për zhvillimin e zgjedhjeve të pjesshme për kryetar bashkie për Bashkinë e Tiranës.

Për këtë çështje, CNA ka publikuar dy shkrime. Shkrimi i parë ishte një raportim pas konsultës më juristë e konstitucionalistë, të cilët thanë se Vendimi i Këshillit të Ministrave nuk mund të ankimohej në Gjykatën Kushtetuese, por në Gjykatën Administrative, pasi më parë ishte veprimi nga akti i marrë nga Këshilli Bashkiak dhe se është një veprim administrativ.

Më pas, edhe juristi Genc Gjokutaj tha se shqyrtimi i kësaj çështje nuk është kompetencë e Kushtetueses, por e Gjykatës Administrative.

Në fakt, Veliaj zgjodhi një rrugë tjetër, atë të çuarjes në Gjykatën Kushtetuese thjesht e vetëm për tu grindur.

Tashmë, duket se saga e ankimimeve dhe budallallëqeve me veprime më shumë për shoë sesa me të vërteta ligjore, ka marrë fund.

Tanimë presidenti Begaj ka dekretuar datën e zgjedhjeve dhe shumë shpejt pritet që Komisioni Qëndror i Zgjedhjeve të fillojë procedurat për regjistrimin e kandidatëve dhe nisjen e fushatës zgjedhore, që do të zgjasë rreth 3 javë.

Sikurse u  paralajmërua edhe nga shkrimi i botuar nga CNA, ish-kryebashkiaku i arrestuar i Tiranës, Erion Veliaj shkoi në gjykatën e gabuar. Sipas ekspertëve që u pyetën, kur Këshilli Bashkiak e shkarkon kryebashkiakun, verifikimin e fakteve e bën Këshilli i Ministrave dhe më pas vulos shkarkimin e tij.

Kurse në rastin kur e shkarkon Këshilli i Ministrave, është Gjykata Kushtetuese ajo që bën verifikimin e fakteve. Në rastin e Erion Veliajt, ëshjtë Këshilli Bashkiak që e ka shkarkuar. Pra, këkesa i duhej çuar Gjykatës Administrative dhe jo asaj Kushtetuese.

Por, kuptohet që Veliaj, edhe me avokatët e tij të ‘mençur’, ia kanë dalë të shkojnë në Kushtetuese dhe të hedhin në erë edhe atë skenar që donin të bënin vetë me duart e tyre, për ta bllokuar procesin sepse mund ta kishin bërë shumë mirë edhe në Administrative dhe ta kishin mbyllur procesin dhe bllokuar atje.

Por, meqë janë shumë ‘të zotë’ dhe kanë muaj që po e sqarojnë shumë mirë procesin penal të Veliajt vetëm me gafa e budallallëqe, duket që ia kanë dalë të dështojnë edhe me një skemë tjetër nga ato ‘alla-Veliaj’ për në Strasburg./CNA





Lajmet e fundit nga