web counter
LEXO PA REKLAMA!

SHKARKO APP

App Store
Google Play

E fundit!

x

“Furtuna” Rrumbullaku/ Konfirmohen zyrtarisht ndryshimet, lëvizjet sipas drejtorive të policisë

13 Dhjetor 2022, 19:04, Aktualitet CNA
“Furtuna” Rrumbullaku/ Konfirmohen zyrtarisht ndryshimet,
Drejtori i Përgjithshëm i Policisë së Shtetit Muhamet Rrumbullaku

Siç u paralajmërua më herët nga CNA.al, Policia e Shtetit është përfshirë nga lëvizjet, duke bërë ndryshime në radhët e uniformave blu, sa i përket drejtuesve të qarqeve.

Tashmë janë konfirmuar zyrtarisht lëvizjet, pasi drejtori i Përgjithshëm i Policisë së Shtetit Muhamet Rrumbullaku ka firmosur ndryshimet.

Mësohet se, Lorenc Paganika ka lëvizur nga Tirana, ku ka mbajtur postin e drejtorit të Drejtorisë Vendore, duke shkuar në Akademinë e Policisë.

Tonin Vocaj është emëruar drejtor i Policisë së Tiranës, ndërsa zëvendës drejtor i Përgjithshëm i Policisë është emëruar Sokol Bizhga.

Në krye të Policisë së Shkodrës, është emëruar Ervin Hodaj, i cili më herët ka mbajtur postin e Drejtorit të Policisë së Tiranës.

Nga ana tjetër, Niko Brahimaj është emëruar drejtor i Policisë së Fierit, ndërkohë më herët ka qenë pjesë e Policisë Shkencore.

Ermal Muça është larguar nga Korça, ku ka mbajtur postin e zëvendësdrejtorit të Policisë së Korçës, duke u transferuar në Vlorë, si drejtor i Policisë së Vlorës.

Një tjetër lëvizje është ajo e Hamdi Fjoras, i cili më parë ka qenë drejtor i Policisë së Shkodrës. Fjora ka zëvendësuar Sokol Bizhgën, duke u vendosur në krye të Operacionales.

Gjithashtu Lutfi Minxhozi është emëruar drejtor për Marëdhëniet Ndërkombëtare, ndërsa Gent Ndoj emërohet drejtor i Krimit Ekonomik në Drejtorinë e Përgjithshme.

Ndër të tjera, mësohet se, priten edhe lëvizje në komisariatet e policive në rrethe./ CNA.al

 





Lajmet e fundit nga