LEXO PA REKLAMA!

SHKARKO APP

E fundit!

x

Hesapet e pambyllura në 5 qytete/ Artan Hoxha parashikon "furtunë" në botën e krimit

13 Dhjetor 2022, 15:02, Aktualitet CNA

Hesapet e pambyllura në 5 qytete/ Artan Hoxha parashikon

Gazetari investigativ Artan Hoxha ka evidentuar 5 qytetet të cilat sipas tij janë në një situatë kritike sa i takon krimit të organizuar. Ai ka veçuar: Shkodrën, Fierin, Vlorën, Elbasanin, Durrësin.

Sipas Hoxhës ndonëse situata aktualisht duket e qetë, Shkodra vijon të jetë problematike, pasi bandat atje kanë ende hesape pa larë.

 “Kemi një qetësi të rreme para furtunës. Kemi Shkodrën, që nuk është situata aq e qetë sa duket. Se situata është e ngrirë dhe jo e zgjidhur. Janë disa konflikte aty. Policia dhe Prokuroria nuk ka reaguar. Vrasja e Bardhok Pllanës, Fatbardh Licit. Vrasja e xhaxhai dhe babai të Asmer Bilalit. Thjeshtë nuk dalin më aq haptazi në qytet por janë aty në pritje. Është e rrezikshme situata” tha Hoxha.

Sa i takon qytetit të Durrësit, Hoxha shprehet se mbetet problematike lufta për të kontrolluar portin nga ku hyjnë ngarkesat e drogës.

“Durrësi kanë lëvizur ekuilibrat. Kanë dalë operatorë grupe të reja që kontrollojnë Durrësin. Nuk është aq e qetë situata. Fati i mirë është se krerët e grupeve janë jashtë, kryesisht në Dubai dhe nuk plasin konfliktet këtu”, tha Hoxha.

Sa i takon Elbasanit, Hoxha shprehet se lufta vijon, ndonëse duket sikur bandat kanë rënë në qetësi.

Në Fier, gazetari u shpreh se situata është kritike, kjo për shkak të vrasjes së Demir Baçkës. Sipas Hoxhës në Fier e dinë se kush e ka bërë krimin, ndonëse policia ende nuk ka dhënë një emër.

Për Vlorën Hoxha tha se ekuilibrat lëvizin herë pas here dhe për këtë arsye Vlora mbetet në zonë të kuqe./CNA.al

Lajmet e fundit nga