web counter
LEXO PA REKLAMA!

SHKARKO APP

App Store
Google Play

“Dyfisho sipërmarrjen tënde”/ Sejko tregon dy avantazhet e programit për bizneset e vogla dhe të mesme

17 Korrik 2026, 12:50, Aktualitet CNA

Guvernatori i Bankës së Shqipërisë, Gent Sejko, ka mbajtur fjalën e tij në aktivitetin e “Dyfisho sipërmarrjen tënde”, program kombëtar i mbështetjes së qeverisë për bizneset e vogla dhe të mesme.

Sejko u shpreh se vlera e vënë në dispozicion për këtë program është 250 milionë, po njoftoi se nëse ky projekt do të ketë sukses, kjo vlerë mund të tejkalohet. Ndër të tjera, gjatë fjalës së tij, guvernatori tregoi edhe dy avantazhet për bizneset që aplikojnë për t'u bërë pjesë e programit.

“Vlera totale e vënë në dispozicion është 250 milionë lekë, por nëse do të shohim sukses vlera e financimit mund ta tejkalojë vlerën e 250 milionë. Ky program është për të mbështetur bizneset e vogla dhe të mesme. Kemi një rritje 15% të kreditimit të biznesit privat, por kemi dhe likuiditet. Ka potencial të mjaftueshëm për të kredituar bizneset e vogla dhe të mesme, që janë dhe shtylla kryesore e ekonomisë.

Programi ka dy avantazhe të rëndësishme, e para është norma e interesit 2%, që është shumë tërheqëse dhe favorizuese. Në krahun tjetër bizneset që nuk plotësojnë kriteret do të kenë një mbulim 70% me garanci sovrane të qeverisë. U bëj thirrje bankave ta shikojnë shumë seriozisht dhe u bëj thirrje bizneseve që të përfitojnë nga ky program”, tha Sejko. /CNA





Lajmet e fundit nga