web counter
LEXO PA REKLAMA!

SHKARKO APP

App Store
Google Play

Denoncim/ Meta: Fakte e prova, Bashkia e Kamzës korrupsion me banesat sociale

7 Shtator 2023, 13:45, Aktualitet CNA

Denoncim/ Meta: Fakte e prova, Bashkia e Kamzës korrupsion me banesat

Kreu i Partisë së Lirisë, Ilir Meta, thotë se korrupsioni i Bashkisë së Kamzës me banesat sociale është ulur këmbëkryq në një kohë ku ka përplasje ekstreme për çështjet e banimit.

Meta ka ndarë në rrjetet sociale një denoncim të bërë nga kryetari i grupit të Këshilltarëve të Partisë së Lirisë në Kamëz, Faik Basha, ku tregohet se Këshilli Bashkiak i Kamzës ka shkelur në mënyrë flagrante ligjin për banesat sociale.

Meta thotë se denoncimi i grabitjes së qytetarëve nga “Rilindja” nuk do të ndalet për asnjë çast!

Postimi i plotë:

Të gjithë jemi dëshmitarë të konflikteve ekstreme deri edhe në përplasje me armë zjarri për çështjet e banimit, të prishjeve abuzive dhe pa ligj, si edhe të lënies së qytetarëve në mes të katër rrugëve pa banesë, ndërkohë që korrupsioni i Bashkisë së Kamzës me banesat sociale është ulur këmbëkryq.

Bashkia e Kamzës në vend që të marrë sipërfaqen e banimit sipas ligjit bën pazar me ndërtuesit në dëm të qytetareve të pastrehë dhe në nevojë.

Abuzimi është shumë i qartë dhe shkeljet e ligjit me qëllime shumë të qarta korruptive janë provuar me fakte e prova ku mijëra metra katrorë nuk janë marrë për t’jua dhënë qytetarëve.

Vendimi 54 i vitit 2019 i Këshillit Bashkiak monist të Kamzës ka shkelur në mënyrë flagrante ligjin Nr.22/2018, që detyron dorëzimin nga ndërtuesit vetëm të sipërfaqes së ndërtuar të banimit.

Denoncimi i grabitjes së qytetareve nga “Rilindja” nuk do të ndalet për asnjë çast!

E falenderoj Kryetarin e grupit të Këshilltarëve të Partisë së Lirisë në Kamëz, z.Faik Basha dhe të gjithë këshilltarët tanë, që janë të pozicionuar qartë në mbrojtje të pakompromis të interesit qytetar./ CNA





Lajmet e fundit nga