web counter
LEXO PA REKLAMA!

SHKARKO APP

App Store
Google Play

E fundit!

x

Dënohet Ardian Hajdari/ Gjyqtari i KPA-së fshehu pasurinë

24 Janar 2024, 13:28, Aktualitet CNA
Dënohet Ardian Hajdari/ Gjyqtari i KPA-së fshehu pasurinë
Gjyqtari i KPA-së , Ardian Hajdari

Gjyqtari i Kolegjit të Posaçëm të Apelit (KPA), Ardian Hajdari, është dënuar këtë të mërkurë për fshehje të pasurisë.

Mësohet se Hajdari është dënuar me 1 vit burg, por burgimi i është konvertuar në 2 vite shërbim prove.

Prej 7 shkurtit 2022, Hajdari është pezulluar nga detyra në KPA, pasi u mor i pandehur nga SPAK-u.

Hajdari është kallëzuar penalisht në qershor 2020 nga ish-magjistratët Antoneta Sevdari, Elsion Sadiku dhe Ervin Metalla.

Kallëzimi i referohej deklarimit të tij se punonte prej 17 vitesh si avokat.

Në kohën kur gjyqtari ka kryer deklarimin pranë Inspektoratit të Lartë të Deklarimit dhe Kontrollit të Pasurive dhe Konfliktit të Interesave, ILDKPKI në vitin 2017 në funksion të aplikimit të tij për një pozicion në institucionet e vetting-ut, ka lënë bosh rubrikën lidhur me të ardhurat e krijuara më parë nga avokatia.

Veç faktit që ai e ka lënë bosh këtë rubrikë të deklaratës së pasurisë, ka rezultuar se nuk e ka korrigjuar as në vijim kur është pyetur në ILDKPKI.

Sipas verifikimeve të kryera, Hajdari ka përfaqësuar në cilësinë e avokatit dhjetëra çështje për disa vite, por nuk i ka deklaruar në tatime të ardhurat e fituara.

SPAK-u vëren se prej shumë vitesh, Hajdari depozitonte pranë organeve tatimore deklarata tatimore me vlera zero ose ndonjë deklaratë me vlerë të papërfillshme. Po ashtu, nga hetimi ka rezultuar se ai ka mbajtur të njëjtin qëndrim edhe pas kontrollit tatimor të kryer për shkak të kërkesës për çregjistrim, duke pasqyruar një aktivitet me të ardhura thuajse ‘zero’./ CNA





Lajmet e fundit nga