LEXO PA REKLAMA!

SHKARKO APP

Thellohet skandali në KPA/ Ardian Hajdari i akuzuar për korrupsion, falsifikim dhe fshehje të pasurisë

17 Mars 2021, 13:50, Politikë CNA
Thellohet skandali në KPA/ Ardian Hajdari i akuzuar për korrupsion,

Reforma në drejtësi është shfryrë sa hap dhe mbyll sytë.

Institucionet e reja u ngritën me njerëz që kanë të kaluar të dyshimtë profesionalë. Kështu Komisionet e Vettingut, ata që apo konfirmojnë gjyqtarë dhe prokurorë, kanë në përbërje anëtarë të akuzuar për falsifikim apo korrupsion.

Kuvendi ka dështuar qëllimisht ose jo t?ë verifikojë komisionerët e Vettingut. Në Kolegjin e Posaçëm të Apelimit, dy prej anëtarëve janë të kallëzuar në Strukturën e Posaçme Antikorrupsion.

Pas Luan Dacit, pritet përballja me drejtësinë edhe anëtarit tjetër Ardian Hajdari. Ardian Hajdari u emërua si gjyqtar i KPA në qershor të 2017. Por që në vitin 2006 ai rezulton të jetë skeduar për korrupsion.

Shërbimi Informativ i Shtetit, me anë të një raporti akuzonte Ardian Hajdarin për përfshirje në një skemë korruptive sëbashku me gjyqtarin e Shkodrës Andri Ymeri.

Në raportin, dërguar Presidentit të Republikës Alfred Moisiu, sipas Exit.al, thuhet ?gjyqtari Andri Ymeri së bashku me avokatin Ardian Hajdari merrnin rryshfet 1500 deri 2000 euro për çështjet e moshës së pensionit.?

Denoncimi në SPAK

Ish -prokurorja e Prokurorisë së Tiranës Antoneta Sevdari, ish-prokurori i Korçës Elsion Sadiku dhe ish-gjyqtari i Apelit Tiranë, Ervin Metalla, të cilët janë shkarkuar nga detyra gjatë procesit të rivlerësimit, kanë kallëzuar në Strukturën e Posaçme Anntikorrupsion jo vetëm Luan Dacin por edhe Ardian Hajdarin për falsifikim dokumentesh me qëllim që të zgjidhej në Komisionet e Rivlerësimit.
Sipas tyre, ndryshe nga sa ka deklaruar para Komisionit Ad Hoc të Kuvendit, Hajdari në CV-në e tij, ka deklaruar se ka ushtruar profesionin e avokatit nga viti 2002-2004 dhe nga viti 2006 e në vazhdim. Pra, për 13 vite pasiu përvoja tjetër profesionale si jurist në Hidrocentralin e Komanit dhe Bashkinë e Vaut të Dejës nuk përfshihet në grupin e profesioneve të parashikuara në ligj.

Denoncuesit pretendojnë se Hajdari ka gënjyer dhe ka deklaruar të dhëna të pavërteta në Kuvend kur ka thënë se ka ushtruar profesionin e avokatit për 17 vite, në një kohë kur ai nuk mund të punonte jurist në administratë dhe njëkohësisht të ushtronte profesionin e avokatit.
Denoncuesit e kanë kallëzuar dhe për ?fshehjen e të ardhurave?, pasi ai është regjistruar për herë të parë në organet tatimore për të ushtruar profesionin e avokatit, në prill të 2007-ës.

Më herët, sipas të njëjtëve ai nuk ka qenë i regjistruar në organet tatimore para kësaj periudhe dhe nuk ka paguar sigurimet shoqërore për ushtrimin e profesionit të avokatit. Gjithashtu Hajdari është paditur për veprën penale, ?refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim?.

Sipas denoncuesve, Hajdari nuk ka deklaruar fare të ardhura gjatë vitit 2017, ndërkohë që gjatë intervistimit në Kuvend, në cilësinë e avokatit, ka thënë se ka përfaqësuar dhe mbrojtur një numër shumë të lartë çështjesh gjyqësore.

?Krijohen dyshime se ai ka krijuar të ardhura nga avokatia gjatë vitit 2017, por nuk i ka deklaruar në tatime dhe, si rrjedhim, nuk i ka deklaruar as në deklaratën e tij të pasurisë?, pretendojnë denoncuesit të cilët shtrojnë pyetje se si janë përballuar prej tij shpenzimet për jetesë dhe si janë paguar taksat fikse të ushtrimit të aktivitetit të tij?, thuhet në kallëzimin e dorëzuar në SPAK që ndonëse ka bërë xhiron e mediave është lënë në harresë./ CNA.al

Lajmet e fundit nga