E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Florjan Tahiri, rrota e pestë e qerres së Lulit

17 Mars 2021, 12:21, Politikë CNA

Listat e kandidatëve të 25 prillit përveç faktit që sërish janë të mbushura me servila, militantë e persona të inkriminuar, kanë brenda tyre edhe ?rrotën e pestë të qerres? e cila bie në sy në shumë qarqe.

CNA.al ditë pas dite do të tregojë se kush janë ?rrotat e pesta të qerres? së Ramës, Bashës, Metës, por edhe të disa partive të reja që garojnë në këto zgjedhje.

Një nga këta emra është edhe Florjan Tahiri, i dhjeti i listës mikse të Lulzim Bashës.

Pse e quajmë Florjanin rrotë e pestë e qerres, i cili së fundi shfaqet në media si një kandidat i opozitës i cili deri ditën e fundit ka qenë i zhytur në llokmën e pushtetit.

Florjani është emëruar nënkryetar bashkie me variantin e tregut çam, në vitin 2016. Partisë që ishte në koalicion me Berishën, kryetari i së cilës është një ish drejtor doganash i socialistëve, Shpëtim Idrizi që u bë nënkryetar Kuvendi i socialistëve me votat dhe mandatet e marra nga demokratët. Ish kryetari i kësaj partie, Tahir Muhedini dhe deputeti i çamëve dje, me votat e demokratëve sot kandidon në listat e Edi Ramës duke garuar përballë Shpëtim Idrizit i cili është në vend të sigurt në koalicionin greko-çam të Bashës.

Të tregosh historinë e koalicioneve çamo greke, çamo-socialiste e çamo-demokrate, ku shkëlqejnë edhe të dhunuarat politikisht si Mesila Doda, do të duhet shumë netë të gjata dimri.

Merita më e madhe e këtyre partive që tallen me identitetin dhe historinë e një pjese të popullit shqiptar, ka sjellë lindjen e rrotës së pestë të qerres siç është Florjan Tahiri i emrëruar nga socialistët, nënkryetar bashkie në Durrës.

Njeriu i shumë bëmave dhe gjëmave me rindërtimin që tani është kthyer zyrtarisht në rrotën e pestë të qerres të Lulit dhe Shpëtimit në Durrës, në një listë që demokratët duhet të votojnë për të votuar çamët si rrota e pestë, Florjan Tahiri apo agrarët e klanit të ?Zemunit? thënë dje nga Sali Berisha të cilët kërkojnë të shtyjnë qerren e Bashës ku ka shumë rrota të pesta./CNA.al