Censi përplas të ftuarit në “Opinion”/ Debat mes Çuçit dhe Hysenit: Babai im merr 152 mijë lekë pension

29 Shtator 2023, 08:00, Aktualitet CNA

Censi përplas të ftuarit në “Opinion”/ Debat mes

Ornela Çuçi pedagoge

Çështja e Censit ka sjellë përplasje mes të ftuarve në emisionin "Opinion" me Blendi Fevziun.

Avokati Alket Hyseni u bëri thirrje të gjithëve që të deklarohen ashtu si të ndihen në formularin e Censit pasi është i fshehtë.

Ai tha se nuk duhet të ndikohen nga faktorët e tjerë si pensioni apo vizat, por të deklarohen ashtu siç ndihen në të vërtetë pasi kjo nuk do të ndikojë në jetën e tyre për shkak se ky formular është i fshehtë.

Kjo ka sjellë reagimin e pedagoges Ornela Çuçi, e cila i është drejtuar Hysenit se nuk kanë se si të mos ndikohen nga faktorët e jashtëm duke sjellë shembullin se në Shqipëri një pensionist merr 152 mijë lekë në muaj dhe nuk mund t’i thuash mos shko të marrësh pensionin e grekut.

Pjesë nga debati

Alket Hyseni: Sot është momenti t’u themi atyre shqiptarëve apo qytetarëve shqiptarë që të mos ndikohen nga një pension sado që të jetë ai, nga një presion për vizë, nga një presion se mund të pengohet për një punë të mirë. Është i fshehtë formulari, le të deklarohet ashtu si e ndien, është shqiptar, të deklarohet shqiptar. Është grek, të deklarohet grek.

Ornela Çuçi: Alket, të mos ndikohet babai im që merr 152 mijë lekë të vjetër?

Marin Suli: Është i sinqertë në këtë që thotë se i ka dalë partia për zot Censusit. Familja e kryetarit të Partisë Socialiste në Himarë po bën Censusin.

Alket Hyseni: Unë jam koherent, unë jam qytetar i këtij vendi, jam krenar se kemi një standard që vendet rreth nesh nuk kanë për ta arritur as për 2-3 dekada. Italia për shembull, është një vend shumë i zhvilluar, ligjin e ka më mbrapa se ne. Greqia s’ka fare.

Ornela Çuçi: Po si e ke arritur këtë standard more Alket, po si e çon standardin deri këtu kur pensioni i babit tim është 152 mijë lekë të vjetër dhe ti i thua babit tim “mos shko të marrësh pensionin e grekut?”

Alket Hyseni: Babi yt dhe babi im janë shqiptarë.

Ornela Çuçi: Janë shqiptarë dhe do ta mbajnë gjithë jetën, jam dakord, por si i thua ti një komuniteti pensionistësh që merr 150 mijë lekë të vjetër në muaj, mos shko të marrësh pensionin e grekut?

Alket Hyseni: Po ata njerëz që kanë dinjitet, kanë integritet…

Ornela Çuçi: Po, po kanë integritet pensionistët shqiptarë, por e kanë 152 mijë lekë të vjetër pensionin!