LEXO PA REKLAMA!

SHKARKO APP

E fundit!

x

Cakohet data/ Kur do të mbahet seanca në GJKKO për Berishën

22 Dhjetor 2023, 12:26, Aktualitet CNA

Cakohet data/ Kur do të mbahet seanca në GJKKO për Berishën

Mëngjesin e sotëm Prokuroria e Posaçme ka dorëzuar në GJKKO pretencën për ish-kryeministrin Sali Berisha.

SPAK ka kërkuar “arrest shtëpie” për kreun e PD-së, ndërsa është caktuar edhe data kur do të mbahet seanca për masën e sigurisë.

Mësohet se seanca për ndryshim mase në Gjykatën e Posaçme do të mbahet më 26 dhjetor, në orën 10:00.

Një ditë më parë, mazhoranca i hoqi imunitetin e deputetit Berishës.

CNA publikoi dje shkresën, ku Kuvendi njoftonte SPAK-un se mund të merrte një masë arresti ndaj kryedemokratit.

Prokuria kërkon të vendosë masë arrest shtëpie për Berishën, për shkak se ai nuk është paraqitur asnjëherë para oficerëve të BKH-së.

Sipas vendimit të GJKKO-së, ish-kryeministri duhet të paraqitej 4 herë në BKH.

Kryedemokrati nuk pranoi të shkojë në asnjë rast, duke e cilësuar masën “detyrim paraqitjeje” si vendim të paligjshëm./ CNA

Lajmet e fundit nga