web counter
LEXO PA REKLAMA!

SHKARKO APP

App Store
Google Play

Bushati: Situata për zgjedhjet në Bashkinë e Tiranës varet nga Rama

10 Korrik 2025, 21:56, Aktualitet CNA

Bushati: Situata për zgjedhjet në Bashkinë e Tiranës varet

Analisti Andi Bushati komentoi sot lidhur me hipotezat mbi zhvillimin e zgjedhjeve për Bashkinë e Tiranës, në një kohë kur kryebashkiaku Erion Veliaj ndodhet në burg.

Në një studio televizive, Bushati u shpreh se është e paqartë sesi do të vijojë ky proces, që sipas tij është në dorën e kryeministrit Edi Rama.

 “Kjo varet nga Rama. E dha një sinjal, që nuk i dihet se si shkon kjo punë e Veliajt. Rama nuk e quan më kryetar bashkie Veliajn, ia ka hequr mundësinë ta kontrollojë Bashkinë, ia grisi dekretet dhe nga burgu.

A i leverdisin zgjedhje Ramës tani? Edhe ky nuk varet nga faktorët juridik, por llogari politike. I do Rama tani zgjedhjet, apo do ta shtyjë?

Në këtë pikë mund t'i interesonin, sepse mbyll kapitullin e 11 majit dhe i tregon opozitës copën e kuqe, hajdeni në arenë dhe t’ju mund prapë. Mbyll edhe kapitullin e kontestimit të zgjedhjeve të përgjithshme. Por këto janë llogaritë personale të Ramës, ai vendos kush rri në burg dhe a ka zgjedhje të parakohshme apo jo. Është vendim që është në kokën e Ramës”,-tha Bushati./CNA

 

 

 





Lajmet e fundit nga