web counter
LEXO PA REKLAMA!

SHKARKO APP

App Store
Google Play

Mesazhi nga qelia/ Meta: Më janë ndaluar për 14 ditë ushtrimet fizike

10 Korrik 2025, 17:47, Aktualitet CNA

Mesazhi nga qelia/ Meta: Më janë ndaluar për 14 ditë

Kreu i Partisë së Lirisë, Ilir Meta, përmes një mesazhi nga burgu ka ndarë atë që quajti si ‘dënimin e ri’.

Meta shprehet se i është ndaluar të ushtrohet fizikisht për 14 ditë.

Sipas Metës, kjo masë ndaj tij është dhënë nga Komisioni Disiplinor, pasi  ka thyer rregulloren dhe nuk ka marrë leje për të zhvlluar një komunikim mediatik në fillim të korrikut.

“Sot u njoftova për një dënim të ri i bazuar mesa duket në një Rregullore të “re”.

Juristi i IEPV “Jordan Misja” më solli për t’u njohur me dënimin e ri, normalisht siç shkruhej atje të marrë “njëzëri” nga Komisioni Disiplinor, që të ndalohesha edhe 14 ditë nga ushtrimet fizike të përbashkëta. Argumenti ishte se kisha shkelur në mos gaboj pikën c të pikes ç të Rregullores ku nuk lejohej komunikimi me mediat pa leje të posaçme nga Drejtori i Përgjithshëm i Burgjeve. Për këtë i referoheshin një komunikimi përmes telefonit të avokatit tim Kujtim Cakrani me gazetaren Toncica në 2 korrik 2025. Kur më dënuan herën e parë u thashë se ju nuk po më dënoni pse kam folur pas orës 20:00, por për faktin pse iu përgjigja gazetares Njuma.

Jo, më thanë, nuk ka lidhje me këtë por me shkeljen e rëndë të orarit me 20 minuta.

Këta që dy javë më lanë motrën dhe tre fëmijët te dera e burgut pa më takuar dhe që herën e tretë kur erdhën të katërt u shpikën rregulloren se njëri duhej të rrinte jashtë se nuk lejoheshin katër siç ndodhte gjithmonë, tani do më japin “leje të posaçme” që të çmontoj të gjithë këtë proces monstruoz criminal të fabrikuar me shpifje dhe kallzime të rreme prej shumë vitesh.

As ndalimi i komunikimit tim telefonik me Sekretarin e Përgjithshëm të Partisë së Lirisë, nuk do i qetësojë dot makthet e “Ramaduros”,-shprehet Meta./CNA





Lajmet e fundit nga