web counter
LEXO PA REKLAMA!

SHKARKO APP

App Store
Google Play

Gara për drejtorin e BKH-së/ Zhvillohet faza e dytë, testimi i aftësive fizike

10 Korrik 2025, 11:31, Aktualitet CNA
Gara për drejtorin e BKH-së/ Zhvillohet faza e dytë, testimi i
Foto ilustruese

Sot është zhvilluar faza e dytë e përzgjedhjes së drejtorit të BKH. Faza e dytë ka të bëjë me testimin e Aftësisë Fizike.

Testimi nisi në orën 07:00 në ambientet e Njësisë Speciale RENEA në Yzberisht, Tiranë.

Shtatë kandidatët kanë marrë pjesë dhe kanë përfunduar testin e tyre që konsistonte në vlerësimin e forcës fizike dhe rezistencës duke u testuar për pikat si më poshtë:

-Numrin maksimal të palosjeve (në një minutë);

-Sprintin 300 metra, (i matur me kohë)

-Numrin maksimal të pompave (pa kufizim kohor)

-Vrapin 2.4 km, (i matur me kohë).

Zhvillimi i testit u monitorua nga një ekip mjekësor për të vëzhguar mbarëvajtjen e tij.

Të pranishëm ishin edhe përfaqësuesit ndërkombëtarë, për të garantuar transparencën dhe ruajtjen e standardeve të procesit.

Pas përfundimit të kësaj faze, do të vijohet me fazën e tretë, e cila konsiston në zhvillimin e një eseje me shkrim dhe testit të arsyetimit logjik./ CNA





Lajmet e fundit nga