web counter
LEXO PA REKLAMA!

SHKARKO APP

App Store
Google Play

Zjarri në restorant, flet pronarja: Ia lë në dorë drejtësisë

10 Korrik 2025, 08:59, Aktualitet CNA

Zjarri në restorant, flet pronarja: Ia lë në dorë

Pronarja e restorantit të djegur në Theth, Aida Gjeçaj, ka treguar se në momentin e rënies së zjarrit nuk ishte në bujtinë.

"Nuk kam dijeni pasi mbrëmë isha në Tiranë dhe më kanë njoftuar në orën 2 të natës që kishte rënë zjarr te subjekti im. Komshinjtë kanë ndërhyrë, por nuk kanë mundur të shpëtojnë gjë. Ky ishte subjekti im me panele diellore. Zjarrfikësja ka ardhur me vonesë, por gjithsesi nuk kanë lejuar që të marrë flakë pjesa e bujtinave dhe turistët janë mirë", është shprehur ajo.

Gjeçaj lë në dyshim faktin se zjarri mund të ketë qenë i qëllimshëm ndonëse nuk dyshon te ndonjë emër dhe i bën apel drejtësisë për zbardhjen e ngjarjes.

"E vetmja gjë që ekspertët kanë faktuar është se energji ka pasur dhe kur restoranti ka marrë flakë, pra nuk ka qenë për shkak të defekteve. Unë nuk kam dyshime, por dua të them se s’kam pasur konflikte me kënd. Kam vetëm 5 dhoma sepse s’kam dashur të ndërtoj pa leje.

Kjo ndodhi në një kohë që ka këtë aksion në Theth dhe është një rastësi e keqe, por unë nuk kam pasur asgjë të paligjshme. Kostoja e ndërtimit të saj është rreth 150 mijë euro, dëmet janë materiale.

Mbase s’të vjen mirë se mund të jetë e qëllimshme, por ia lë në dorë drejtësisë. Duke qenë se jemi si familje të lidhur me drejtësinë ia lë në dorë drejtësisë dhe e vërteta herët apo vonë do të dalë", ka deklaruar pronarja.

Dëmi i shkaktuar në djegien e restorantit kap vlerën e 150 mijë eurove./ CNA

 





Lajmet e fundit nga