LEXO PA REKLAMA!

SHKARKO APP

App Store
Google Play

E fundit!

x

Begaj flet për zgjedhjet vendore në Ditën e Pavarësisë/ Thirrja për politikën

28 Nëntor 2022, 20:57, Aktualitet CNA
Begaj flet për zgjedhjet vendore në Ditën e Pavarësisë/
Bajram Begaj, president

Presidenti Bajram Begaj, në pritjen e organizuar në Pallatin e Brigadave, me arstin e 110 vjetorit të Pavarësisë së Shqipërisë, ka folur për rëndësinë e zgjedhjeve vendore, si dhe i është drejtuar politikës me një thirrje.

“Zgjedhjet e ardhshme vendore janë një mundësi për të demonstruar bashkëpunim e përgjegjshmëri politike e institucionale, për zgjedhje të lira e demokratike.

Si President i Republikës, në interes të kombit dhe të ardhmes tonë, ftoj të gjithë aktorët politikë e institucionalë, shoqëri civile e media, çdo shqiptar, që t’i përkushtohemi vizionit për Shqipërinë e gjeneratës tjetër, vendin e projektuar për të qenë anëtare në Bashkimin Evropian.

Po lëmë pas një vit të vështirë. Rruga jonë për ndërtimin e shtetit të së drejtës dhe demokracisë funksionale është një rrugë pa kthim, ashtu si angazhimi ynë për paqen dhe dialogun.

Shqipëria është sot anëtare e denjë e aleancës më të suksesshme në histori, në NATO, me pjesëmarrje aktive në misione në mbështetje të paqes e stabilitetit në rajon e në botë.

Vendi ynë përfaqësohet po aq denjësisht në OKB, si anëtare jo e përhershme në Këshillin e Sigurimit dhe e angazhuar në forume globale.

Shqipëria ka  treguar se është mbështetëse e vlerave demokratike, e fqinjësisë së mirë dhe derë e hapur për miq e njerëz në nevojë.

Vendi ynë është krenar për miqësinë dhe aleancën strategjike me SHBA, vendet e Bashkimit Evropian, Mbretërinë e Bashkuar dhe të gjitha vendet mike dhe aleate në botë”, ka thënë Begaj./ CNA.al

Lajmet e fundit nga