web counter
LEXO PA REKLAMA!

SHKARKO APP

App Store
Google Play

E fundit!

x

Presidenti Joe Biden uron Begajn me rastin e 110-vjetorit të Pavarësisë

28 Nëntor 2022, 15:18, Aktualitet CNA

Presidenti Joe Biden uron Begajn me rastin e 110-vjetorit të

Presidenti i Shteteve të Bashkuara të Amerikës, Joe Biden, ka uruar presidentin e Shqipërisë, Bajram Begaj, për 110-vjetorin e Pavarësisë së Shqipërisë.

Në mesazhin e dërguar Presidentit Begaj, Biden shprehet se Shqipëria dhe Amerika prej vitesh ruajnë marrëdhëniet diplomatike, ku në bashkëpunim me njëra-tjetrën po përballojnë luftën e padrejtë të Rusisë kundër Ukrainës, e po ashtu Shqipëria ka ndihmuar edhe në strehimin e afganëve e grupeve të tjera.

“Ky vit shënon 100-vjetorin e vendosjes së marrëdhënieve diplomatike midis vendeve tona – një partneritet që ka cuar përpara prosperitetin dypalësh, ka ndihmuar në ruajtjen e stabilitetit rajonal dhe ka forcuar sigurinë globale. Si aleatë të NATO-s, vendet tona kanë bashkëpunuar gjithashtu për ta mbajtur Aleancën të fortë, të përgatitur dhe të vendosur. Dhe përballë luftës së padrejtë dhe të paprovokuar të Rusisë kundër Ukrainës, ne kemi punuar së bashku në Këshillin e Sigurimit të Kombeve të Bashkuara për të mbështetur popullin ukrainas, duke e konsideruar Rusinë përgjegjëse për agresionin. Shqipëria vazhdon të jetë një lider humanitar, duke siguruar strehimin e përkohshëm të afganëve dhe grupeve të tjera vulnerabël”.

“Shtetet e Bashkuara do të vazhdojnë të mbështesin Shqipërinë në rrugën e saj drejt anëtarësimit në Bashkimin Europian. Ndërsa fillojmë shekullin e ardhshëm të marrëdhënieve tona dypalëshe, pres me padurim të thellojmë partneritetin tonë edhe më tej, duke përfshirë luftën kundër korrupsionit dhe krimit të organizuar, forcimin e sigurisë energjetike në të gjithë Europën dhe forcimin e bashkëpunimit për sigurinë kibernetike”, shprehet Presidenti Biden në mesazhin e tij./CNA.al





Lajmet e fundit nga