web counter
LEXO PA REKLAMA!

SHKARKO APP

App Store
Google Play

Artan Hoxha ngre dyshimet e forta/ “Hakerat kanë hyrë në serverat e regjistrit bankar”

3 Tetor 2022, 22:32, Aktualitet CNA
Artan Hoxha ngre dyshimet e forta/ “Hakerat kanë hyrë në
Gazetari investigativ, Artan Hoxha

Gazetari investigativ, Artan Hoxha, ka ngritur dyshimet se hakerat mund të kenë marrë edhe informacione që lidhen me regjistrin bankar të Shqipërisë.

I ftuar në emisionin “Opinion”, Hoxha tha se në një video që ka parë, janë serverat e institucioneve kryesore të Shqipërisë, ku mes tyre është edhe serveri i regjistrit bankar të Bankës Qëndrore të Shqipërisë.

Hoxha shprehet se problemi në këtë mes është se nuk dihet ende se çfarë kanë marrë hakerat dhe nëse të dhënat që zotërojnë janë të sakta apo jo.

“Ditën e parë, kur janë paraqitur të dhënat, që janë hakeruar serverat në Republikën e Shqipërisë, nuk e di pse nuk është komentuar, pse u ka shpëtuar mediave, por në një video unë kam parë atje të specifikuara serverat e institucioneve zyrtare shqiptare që janë goditur nga hakerat iranianë dhe midis tyre, edhe prandaj unë kam thënë se kjo histori do të vazhdojë gjatë. Po ta shikosh ata çdo javë hedhin diçka të re. Midis serverave që në atë video që unë kam parë atje janë serverat e institucioneve kryesore, Tatime, Gjykata, Avokati i Popullit edhe Bashkia tepelene, Bashkia Pogradec, të dhënat e Fondit Shqiptar të Zhvillimit. Por edhe serveri i kryeministrisë është sulmuar, por midis të tjerave aty është dhe regjistri bankar, i Bankës Qëndrore të Shqipërisë.

Ata kanë nxjerrë një listë të serverave që sipas atyre i kanë hakruar. Dhe në atë listë që e kanë nxjerrë vetëm ditën e parë janë të listuar një pjesë e serverave. Ne nuk e dimë çfarë kanë marrë. Dhe me këtë qëndrim është duke mos na bërë të qartë se çfarë ka ndodhur. Ne nuk e dimë a janë apo jo të sakta ato të dhëna”, tha Hoxha./ CNA.al

 

 





Lajmet e fundit nga