web counter
LEXO PA REKLAMA!

SHKARKO APP

App Store
Google Play

E fundit!

x

Amnistia Penale/ Ushtari i Bashës në shërbim të mazhorancës, gati për ta votuar

27 Shkurt 2024, 14:26, Aktualitet CNA
Amnistia Penale/ Ushtari i Bashës në shërbim të
Enkelejd Alibeaj

Ushtari i Bashës, Enkelejd Alibeaj, është dorëzuar dhe është shprehur i gatshëm për të votuar projektligjin për Amnistinë Penale.

Sërish është vendosur në shërbim të mazhorancës për t’i siguruar votat që ky ligj të kalojë në parlament.

Gjatë ditës së sotme, në një deklaratë për mediat, Alibeaj është shprehur se do të votojnë ligjin për Amnistinë Penale.

“Partia Demokratike është e vendosur për të votuar vetëm një projektligj për Amnistinë Penale, i cili u shërben qytetarëve të thjeshtë dhe të pambrojtur dhe nuk përfshihen në të zyrtarët e hetuar nga SPAK-u dhe të gjykuar në GJKKO-ja.

Të qëndruarit në parime dhe në vlera për Partinë Demokratike nuk janë kushtëzime, por janë e vetmja rrugë dhe zgjidhje për një amnisti në dobi të njerëzve dhe jo në dobi të të korruptuarve.

Për ne, gjuha e arrogancës dhe e kërcënimit, është e papranueshme, sepse kemi qenë të qartë dhe vijojmë të jemi në raport me ato që kërkojmë, duke i bërë publike.

Partia Demokratike e Shqipërisë nuk kërkon pazar dhe nuk do gjë të votohen ligje tinëzisht dhe fshehurazi, por gjithçka do ta bëjë në transparencë të plotë, ku do të prevalojë interesi i publikut.

Ne e mirëpresim tërheqjen e mazhorancës nga mospërfshirja e të dënuarve për korrupsion nga GJKKO, duke qenë kjo një mbështetje e pakushtëzuar për institucionet e SPAK-ut dhe të GJKKO-së, dhe japim dakordësinë tonë që në Amnisti të përfshihen të gjithë protestuesit, pavarësisht kohës dhe periudhës në të cilën kanë protestuar”, tha Alibeaj.

Më herët, ministri i Drejtësisë ka deklaruar që pjesë e Amnistisë Penale nuk do të jenë personat e dënuar nga GJKKO apo SPAK-u përveç tre ish-policëve të pikës kufitare Morinë./ CNA





Lajmet e fundit nga