web counter
LEXO PA REKLAMA!

SHKARKO APP

App Store
Google Play

Mungesë reformash në menaxhimin e energjisë/ PD: Qeveria Rama nuk e ka vënë ujin në zjarr

27 Shkurt 2024, 11:26, Aktualitet CNA
Mungesë reformash në menaxhimin e energjisë/ PD: Qeveria Rama nuk
PD

Departamenti i Energjisë në Partinë Demokratike ka folur për problematikat në sektorin e energjisë.

Eno Bozdo është shprehur se në qeverisjen Berisha ka qenë koncepti që Shqipëria mund të bëhet një superfuqi e vogël në eksportin e energjisë.

Sipas tij, mospasja e një strategjie nga ana e qeverisë Rama për këtë sektor ka bërë që të ketë kriza të herëpashershme.

Bozdo thekson se Shqipëria ka prodhuar më shumë energji seç ka harxhuar, ndërsa shton se ka mungesë reformash në menaxhimin e energjisë.

“I rikthehemi edhe njëherë konceptit që Shqipëria mund të bëhet një superfuqi e vogël për eksport të energjisë.

Mospasja e një startegjie e ka rrotulluar vendin në kriza të herëpashershme, këtë e ka lejuar dhe Rama qeveria e tij.

Shqipëria ka prodhuar me shumë energji seç ka harxhuar. Ka mungesa reformash në menaxhimin e energjisë.

Askush nuk e ka vënë ujin në zjarr të zgjidhë problemet e sektorit.

Sipas të dhënave të viteve të fundit të Entit Rregullator, 40-50% të energjisë janë që prodhohen nga HEC-et private. Kontrata e tyre është nënshkruar në qeverisjen e Berishës.

Investitorët e HEC-eve private i konsiderojnë si shushunja. Ajo që ka bërë si Edi Rama, si Damian Gjiknuri e të tjerë, ka qenë goditja e këtyre kontratave.

Në vitin 2013 u ndërpre mbështetja për investitorët e huaj, u goditën kontrata juridike, u hodh baltë mbi ta, nuk u diskutua”, është shprehur Bozdo./ CNA





Lajmet e fundit nga