web counter
LEXO PA REKLAMA!

SHKARKO APP

App Store
Google Play

Akuzat e gazetarit/ Kush është ish-sekretari i akuzuar për korrupsion dhe afera seksuale

26 Maj 2022, 13:00, Aktualitet CNA
Akuzat e gazetarit/ Kush është ish-sekretari i akuzuar për
Foto ilustruese

Mbrëmjen e djeshme, në rrjetet sociale është zhvilluar një debat i fortë mes dy gazetarëve, Habjon Hasani dhe Taulant Koplikaj. Ky i fundit, autor i një emisioni investigativ, i cili duket se ka qenë edhe “molla e sherrit”.

Në puntatën e fundit të emisionit në fjalë, është zhvilluar një kamer e fshehtë me një eskortë, një vajzë nga Venezuela.

Kjo ka sjellë një reagim të ashpër të gazetarit Habjon Hasani, i cili e cilëson të turpshëm emisionin në fjalë dhe u jep një “shuplakë” të fortë atyre që e kanë aprovuar. Kjo pasi sipas tij, po merren me hallexhinjtë dhe vajzës në fjalë mund t’i hapin probleme.

Akuzat e gazetarit/ Kush është ish-sekretari i akuzuar për

Por, nga ana tjetër është kundërpërgjigjur autori i këtij programi, Taulant Koplikaj, i cili tenton të justifikojë kamerën e fshehtë dhe punën e gazetarit.

“Unë e kam aprovuar dhe aty ka dalë ana më njerëzore dhe integriteti i njeriut (femër), e cila pavarësisht çfarë ka zgjedhur të bëjë ka më shumë karakter se bq të cilët paguajnë për ta pasur. Nëse ne tregojmë çfarë ëndërrash dhe dëshirash që ka për jetën nëse ne publikojmë se sa probleme dhe dëshira perverse ka në rrugëtimin e saj, pa e ekspozuar se kush është dhe më e rëndësishmja, pa e prekur me dorë, atëherë po e pranojmë të quhemi k...”-shkruan Koplikaj.

Akuzat e gazetarit/ Kush është ish-sekretari i akuzuar për

Por, në debat e sipër, gazetari Hasani ka dhënë një detaj, që në fakt përbën një skandal.

Sipas tij, një ish-sekretar i një ministrie ka persekutuar seksualisht punonjësen e tij. Ai shton se në një tjetër rast, i njëjti ish-sekretar ka detyruar punonjësen e tij të largohej nga Shqipëria drejt Kanadasë, së bashku me familjen.

“Di raste ish-sekretarësh të përgjithshëm nëpër ministri (ndoshta të lidhur me emisionin tënd) që kanë persekutuar seksualisht punonjëset dhe në një rast e ka detyruar punonjësen Elda të shkonte në Kanada me gjithë familjen”, shkruan gazetari Hasani.

Fajtori ngelet pa faj

Le të shohim disa fakte, por edhe të dhëna në lidhje me qëndrimin e gazetarit Habjon Hasani, i cili në fakt nuk saktëson emrin, dhe këto të dhëna jo dodmosdoshmërisht identifikojnë personin që akuzon gazetari.

Ky i fundit nuk pranoi të prononcohej për CNA.al, por u qëndronte komenteve të tij në rrjetet sociale.

Ai thotë ish-sekretarë ministrie (ndoshta lidhur me emisionin tënd). Kujtojmë këtu se producent i emisionit në fjalë, është Vojo Bregu, ish-Sekretari i Përgjithshëm i Ministrisë së Bujqësisë.

Akuzat e gazetarit/ Kush është ish-sekretari i akuzuar për

CNA.al ka tentuar të kontaktojë me Vojo Bregun, por telefoni i tij rezulton i fikur. Ndërkohë, i kemi dërguar një mesazh dhe mirëpresim reagimin e tij. 

Nga ana tjetër, pranë stafit të "ABC News" na thanë se s’ka asnjë ish-sekretar ministrie në emisionin "Piranjat", ai drejtohet nga zoti Bregu.

Akuzat e gazetarit/ Kush është ish-sekretari i akuzuar për

Një personazh, i cili pasi ka “shkëlqyer” në administratë me bëmat dhe gjëmat e tij, kandidoi për deputet në siglën e LSI-së, në zgjedhjet e 2021-shit. Ku sërish pati “shkëlqimin” e tij, duke mos fituar mandat deputeti.

Gjatë kohës që ka qenë Sekretar i Përgjithshëm i Ministrisë së Bujqësisë, Vojo Bregu është përfshirë në skandal, në lidhje me abuzimet në tendera, për të cilat ka pasur edhe një kallëzim në prokurori në pranverën e vitit 2021.

Auditimi i KLSH-së ka nxjerrë në pah abuzimet e Bregut në disa tendera. Sipas KLSH-së, Bregu ka bërë shkelje të rënda ligjore në prokurime të zhvilluara kryesisht me negociim pa shpallje paraprake dhe fond limit 525 milionë lekë pa TVSH të këtij tenderi.

Abuzime janë gjetur edhe në prokurimin e “blerjes së pajisjeve për shërbimin veterinar”, ku fondi i përcaktuar është dy herë më i lartë se ai i tregut. Procedura është sërish negociim pa shpallje paraprake të njoftimit të kontratës. Për këto procedura korruptive Bregu është kallëzuar në SPAK.

E tashmë që ka kaq shumë “shkëlqime” në karrierën e tij në administratë e më pas kandidat për deputet, Vojo Bregu tani është producent në media./CNA.al





Lajmet e fundit nga