LEXO PA REKLAMA!

SHKARKO APP

Çuçi ‘harron’ përplasjet mes tifozëve dhe policisë: Historia u shkrua në Tiranë

26 Maj 2022, 09:53, Aktualitet CNA
Çuçi ‘harron’ përplasjet mes tifozëve dhe
Forcat e policisë

Ministri i Brendshëm, Bledi Çuçi, ka reaguar pas finales së Conference League që u mbajt mbrëmjen e kaluar në stadiumin "Air Albania".

Para finales janë regjistruar disa përplasje mes tifozëve dhe forcave të policisë, ndërsa sot ministri ka deklaruar se gjithçka shkoi më së miri dhe Shqipëria demonstroi se i ka kapacitetet për të mirëpritur e menaxhuar një event të përmasave të tilla.

Historia u shkrua në Tiranë. Finalja e madhe shkoi më së miri dhe Shqipëria demonstroi në sytë e mbarë botës që i ka të gjitha kapacitetet për të mirëpritur e menaxhuar një event të përmasave të tilla. Një falënderim të veçantë kam për punonjësit e Policisë së Shtetit, që falë profesionalizmit dhe përkushtimit të tyre të jashtëzakonshëm garantuan mbarëvajtjen e gjithçkaje: nga mbërritja e mijëra tifozëve në pikat kufitare, shoqërimi i tyre drejt stadiumit, grumbullimet në zonat e dedikuara dhe deri te përcjellja për t’u rikthyer sërish në vendet e tyre. Çfarë ndodhi dje ishte një ushtrim kuptimplotë i angazhimit tuaj të përbashkët si asnjëherë më parë për të cilin keni mirënjohjen e pakufishme të të gjithëve, shkruan Çuçi në rrjetet sociale.

Lajmet e fundit nga