web counter
LEXO PA REKLAMA!

SHKARKO APP

App Store
Google Play

E fundit!

x

Aksioni për hapësirën publike/ Kikia: Kjo e Thethit duket “hata” e madhe

7 Korrik 2025, 15:38, Aktualitet CNA

Aksioni për hapësirën publike/ Kikia: Kjo e Thethit duket

Gazetari Mentor Kikia ka reaguar lidhur me aksionin për lirimin e hapësirave publike në Theth.

Përmes një postimi në rrjetet sociale, Kikia shprehet se teksa zaptimi i hapësirave mund të ‘kuptohet’ në rastin e qyteteve, situatën në Theth e konsideron si të pajustifikueshme.

“Si është e mundur që paligjshmëria ka lulëzuar në këtë farë feje?

Qeveria, një natë vere, zbuloi se paligjshmëria ishte derdhur rrugëve të qyteteve dhe maleve. Kudo gjëmojnë trapanët e matrapikët për të çmontuar paligjshmërinë.

Por, ndërsa në qytete mund të “kuptojmë” se lokalet i shtynë karriget, një metër sot e një nesër, apo i ngritën tendat pa i parë kush, kjo e Thethit duket “hata“ e madhe.

Fotoja ne parë tregon sheshin më përfaqësues të Thethit. Famullia dhe lëndina që e rrethon është fotografuar mijëra e mijëra herë dhe është publikuara anëembanë botës, nëpër kartolina e guida.

Fotoja e dytë tregon lëndinën e Famullisë mbushur me vileta/kabina druri turistike.

Sot aty mbërriti fadroma për ti prishur, sepse është hapësirë e zaptuar pa leje.

Po unë kam ca pyetje:

Si është e mundur që dikush u zgjua një mëngjes dhe shtroi mijëra metra katrore lëndinë me beton e zhavorr, pikërisht në këtë fushë që është zemra e Thethit?

Si ka mundësi që aty punuan fadroma e betoniere, dhe askush nuk i pa?

Si është e mundur që atu mbërritën kamionë me dërrasa, punëtorë me matrapikë, sharra e trapanë që i ngritën në këmbë ato kabina, e askush nuk ndërhyri?

Kam lexuar para disa ditësh një publikim të dikujt që thoshte: Çfarë krimi kjo, kush e ka dhënë lejen për këtë? Sepse askush nuk mund të mendonte se kjo paska qenë pa leje.

Tani, ai që e ndërtoi harxhoi para. Mund të themi se vetë e ka fajin që bëri një gjë pa leje.

Shteti që po e prish do të harxhojë para.

Ndërsa toka e shkatërruar nuk do të kthehet kurrë në origjinën e saj”,-shkruan Kikia./CNA

 





Lajmet e fundit nga