E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Ultimatumi i Ramës për lirimin e hapësirave publike/ Ekspertja e Turizmit, për CNA: Aksion i vonuar

7 Korrik 2025, 14:09, Aktualitet CNA

Ultimatumi i Ramës për lirimin e hapësirave publike/ Ekspertja e

E ndërsa sezoni turistik veror 2025 ka nisur me më shumë hapësira publike për qytetarët, aksioni i fundit i ndërrmarë nga bashkitë me urdhër të kryeministrit Rama për lirimin e hapësirave publike nga bizneset nuk është parë me pozitivitet nga ekspertja e Turizmit, Fjorida Zani. Kjo, sipas saj, ka të bëjë me imazhin që këto aksione krijojnë në syrin e turistëve të huaj.

"Aksioni për lirimin e hapësirave publike jo në kohën e duhur"

“Duke hequr karrige, tavolina ose shitësit ambulantë nuk është një figurë e mirë për turistët që shohin, sepse ata edhe kur shohin policinë në rrugë habiten dhe thonë çfarë ka ndodhur. Sepse nuk është normale në shtetet europiane të krijohen postblloqe kudo dhe nuk është një impakt i mirë. E mira do të ishte të ishin marrë masat gjatë sezonit dimëror dhe të mos përsëriteshin e të mos vazhdonin për vitin tjetër”, tha ekspertja.

Ndërsa për sa i përket plotësimit të kushteve për zhvillimin e turizmit elitar në Shqipëri, Zani shprehet se vendi ynë është ende shumë hapa larg arritjes së këtij qëllimi.

“Shqipëria, shumë larg turizmit elitar”

“Në Shqipëri vjen shtresa e ulët dhe shumë pak shtresa e mesme. Duke parë edhe turistët që akomodohen në vendin tonë shohim që nuk shpenzojnë shumë nëpër bare e restorante, por në supermarkete dhe këtu e shohim qartë që turistët janë të një niveli të ulët. Besoj që ne nuk jemi gati për një turizëm elitar. Na duhet shumë punë, minimalisht mendoj një njëzetvjeçar, që ne të tërheqim turistë elitarë, sepse nuk kemi infrastrukturën, në radhë të parë, që është gjëja kryesore për turizmin, si nga rrugët, si nga infrastruktura detare, si nga infrastruktura ajrore. Sepse këtë turizmin elitar që duam ne, ata mund të vijnë me jahte, që ne nuk kemi faktikisht një port të mirëfilltë, kemi një në Vlorë patjetër, por jo për kushtet që duan ata.”

Edhe këtë sezon turistik një nga problemet kryesore që po hasin bizneset është mungesa e stafit, që sipas ekspertes Zani lidhet me largimin e të rinjve jashtë vendit./ CNA