web counter
LEXO PA REKLAMA!

SHKARKO APP

App Store
Google Play

E fundit!

x

Afera e sterilizimit/ Si doli zbuluar Ilir Beqaj për koncesionin 100 mln euro

1 Janar 2024, 15:00, Aktualitet CNA

Afera e sterilizimit/ Si doli zbuluar Ilir Beqaj për koncesionin 100 mln

Dosja e sterilizimit mori një vëmendje mediatike në muajin gusht të 2023, ku me vendim të GJKKO, nisën arrestimet e ish-zyrtarëve, biznesmenëve apo personave të tjerë të përfshirë.

CNA ka siguroi vendimin e Gjykatës së Posaçme të Shkallës së Parë një nga çështjet “e nxehta" në duart e SPAK-ut që ka sjellë edhe reagime të shumta politike.

Pas kallëzimit të bërë nga “Nisma Thurje” në dhjetor të vitit 2019, Prokuroria e Posaçme ngriti akuza ndaj 8 personave, si të përfshirë për veprat penale “falsifikim i dokumenteve”, “mashtrim” dhe “shpërdorim detyre”.

Pas hetimeve gjykata dha masat “arrest me burg” për ish-zv.ministrin e Shëndetësisë, Klodian Rjepaj dhe biznesmenin Ilir Rrapaj.

Ish-zv-ministri i Shëndetësisë, Klodian Rjepaj akuzohet për “mashtrim”, “falsifikim i dokumenteve” dhe “shpërdorim detyre”. Ndërsa mbi biznesmenin Ilir Rrapaj rëndon akuza e mashtrimit.

Ndërkohë gjykata ka dhënë masën e sigurisë “arrest shtëpie” për Saimir Kadiun dhe masën “detyrim paraqitje” për 4 të tjerë, Arben Gjatën, Petraq Mersinin, Genc Byrazerin, dhe Naile Abazin.

Miqësitë mes ish-ministrit dhe biznesmenit

Në dosjen e SPAK-ut nënvizohet se ish-zv/ministri Klodian Rjepaj dhe biznesmeni Ilir Rrapaj kanë njohje të hershme dhe ata kanë studiuar në Universitetin e Mjekësisë në vitet 1991 dhe 1994. Këta të fundit kanë përfunduar studimet me Artan Leshin, që rezulton të jetë drejtor në kompaninë “SaniService”.

Miqësinë e tyre ata e kanë vazhduar dhe kanë bashkëpunuar me qëllim që të përfitonin nga kontrata e sterilizimit. 

Sipas Prokurorisë së Posaçme, Ilir Rrapaj ka hyrë në territorin e Shqipërisë në dhjetor të 2014 me automjetin e Ministrisë së Shëndetësisë, i cili ishte në përdorim nga ish-zv-ministri Klodian Rjepaj.

Ky udhëtim është bërë pak ditë para se bashkimi i operatorëve të ekonomisë, ku përfshihet kompania "Investital" e Rrapajt të shpallej fituese për koncesionin. 

“SaniService” është kompania koncesionare e sterilizimit, aksionet më të mëdha i ka “Investital LLC”, ku themelues është Ilir Rrapaj.

Kompania fantazmë e Ilir Rrapajt 

Kompania “Investital LLC”, e përfshirë në koncesionin e sterilizimit, nuk ka pasur një historik të sajin, para se të përfitonte nga kontrata disa miliona euro.

Në dosjen hetimore të SPAK-ut, të siguruar nga CNA, nënvizohet se themelues i “Investital LLC” është Ilir Rrapaj, i cili ka regjistruar këtë subjekt një muaj para se të ngrihej komisioni i dhënies se koncesionit, me një kapital vetëm prej 1000 euro. 

Por, nuk duhet anashkaluar fakti që kjo kompani në vitin 2014 nuk ka pasur deklarime dhe as tatim të paguar në shtet. Ndërkohë, merrte pjesë në garën për koncesionin e sterilizimit të Ministrisë së Shëndetësisë.

Nga viti 2015 deri në vitin 2020, "Investital LLC”, ka pasur të deklaruar si punonjës vetëm themelues Ilir Rrapajn, me pagë 2 mijë euro në muaj. 

Një detaj tjetër shumë i rëndësishëm është që “Investital LLC” nuk ka pasur një objekt apo zyra për të kryer aktivitetin e saj.

SPAK nënvizon se edhe pse kompania është bërë pjesë e njërës prej kontratave më të mëdha koncesionare në vend, ajo nuk ka si objekt veprimtarinë e saj në shërbimin e dezinfektimit të sallave kirurgjikale, apo ndonjë aktivitet të ngjashëm.

Masa për Ilir Beqajn

Afera e sterilizimit/ Si doli zbuluar Ilir Beqaj për koncesionin 100 mln

Më 18 nëntor Gjykata e Posaçme ka caktuar masën e sigurisë "detyrim me paraqitje dhe ndalim i daljes jashtë shtetit" për ish-ministrin e Shëndetësisë, Ilir Beqaj. SPAK akuzon Beqajn për veprën penale shpërdorim detyre, pas hetimeve për koncesionin e sterilizimit. 

GJKKO urdhëron që ish-ministri të paraqitet para policisë gjyqësore të Byrosë Kombëtare të Hetimit, një herë në javë, ditë të premte, ora 15.30. Ai është paraqitur edhe në SPAK./ CNA





Lajmet e fundit nga